Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Angeles Gonzalez-Sinde eta Jordi Sierra I Fibra idazleek irabazi dituzte Haur eta Gazte Literaturako XIV Edebé Sariak


2006-01-25 18:02



BILBO, 25 (EUROPA PRESS)

Angeles Gonzalez-Sinde gidoilari eta zinema-zuzendaria (Madril, 1965), Rosanda eta xirmi-xarmaren artea lanarekin, eta Jordi Sierra i Fabra (Bartzelona, 1947), Zeruko ateetan deika, izan dira XIV. Edebé sarien irabazleak, haur-literaturan eta gazte-literaturan, hurrenez hurren.

Antolatzaileen ustetan, Gonzalez-Sindek literaturarako atea zabaldu du EDEBÉ sariarekin. Sierra i Fabrarentzat, ordea, sariak bere ibilaldi luzea bezain bikaina berresten du.

Angeles Gonzalez-Sindek proposatu duen abentura nahaste negargarri batekin hasten da: amak, presaren presaz, erosketa-zerrenda bidali die Hiru Erregeei, Rosandaren gutuna bidali beharrean. Eleberria gonbita da behialako ilusioaren zirrara sentitzeko eta mundu magikoarekin berriz fidatzeko. Haurrak eta nagusiak, urtetik urtera, itxaropenez betetzen dituen Eguberriari buruzko kontakizuna da. Rosanda eta haren ama ere irrikaz daude urtarrilaren 5eko gauean.

Jordi Sierra i Fabra aurten Andersen sarirako zerrendan egon da (Haur eta Gazte Literaturako Nobel saria). Liburu honetan, narrazioaren egitura maisukiro erabiliz, gaur egun gazteentzat garrantzia duen gai bat landu du, bere irakurle ugarien gozagarri: GKEak eta Hirugarren Munduarekiko kooperazioa. Bilatzea, ez ulertzea, exotismoa, zeure burua ematea, zeureari uko egitea, mina... hori guzti hori biltzen da Silviaren elkartasunezko abenturan. Silvia gazteak erabaki du Indiako herri lekutu batera joatea, ospitale txiki bateko lanetan laguntzeko.

URTERO FINKATUZ ETA 55.00 EURO SARITAN

Urtean-urtean, Edebé saria finkatu egin da. Gaur egun, ezinbesteko erreferentzia da idazleen artean, bai lanen kalitateagatik, bai saritutako idazleen ospeagatik. Nabarmentzekoak dira Carlos Ruiz Zafón eta Gabriel Janer Manila, baina badira beste idazle garrantzitsu asko: Olga Xirinacs, Juan Kruz Igerabide, Andreu Martín, Elia Barceló, César Mallorquí, Gloria Sánchez eta Fina Casalderrey, diote arduradunek.

Edebé sariaren XIV. edizioan, guztira 55.000 euro banatuko dira (30.000 euro gazte-literaturan eta 25.000 euro haur-literaturan). 250 original aurkeztu dira, 90 gazte-literaturan eta 160 haur-literaturan, eta horietatik, 53 katalanez, 180 gaztelaniaz, 7 euskaraz eta 10 galegoz. Hego Amerikatik iritsitako lanek hazkunde handia izan dute, batik bat Argentinatik, Uruguaitik, Costa Ricatik eta Mexikotik iritsitakoek.

Saria irabazitako obrak Estatuko lau hizkuntza ofizialetan argitara emango dira: gaztelaniaz, katalanez, euskaraz eta galegoz, eta, ONCErekin egindako hitzarmenari esker, baita braillez ere. Eleberriak martxotik aurrera izango dira liburu-dendetan.


207 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin