Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Alzheimer gaixoei eta hauen zaintzaileei laguntzeko etxez etxeko programa bat jarri dute martxan Lekeition (Bizkaia)


2009-01-08 13:14

BILBO, 8 (EURPOPA PRESS)

Lekeitioko Udalak, Bizitzen Fundazioal, la Caixako Gizarte Ekintzak eta Lea-Artibaiko Mankomunitateak alzheimer gaixoen zaintzaileei zuzendutako etxez etxeko programa bat jarri dute abian, hauen bizi-kalitatea hobetzeko. Lekeition 14 lagun izango dira programa honen onuradunak: gaixotasunean sartu berriak diren zazpi lagun eta beste zazpi zaintzaile. Programa otsailean amaituko da.

Egitasmoaren arduradunek jakinarazi dutenez, bi alde izango ditu programak: laguntza psikologikoa gaixoen zaintzaileentzako alde batetik, eta pizgarri laguntza alzheimer gaixoentzako bestetik. Pizgarri laguntza ematen den bitartean, prestakuntza eskainiko zaio gaixoaren zaintzaileari.

Laguntza psikologikoa 50 minutuko 12 saiotan osatuko da eta psikoestimulazioa 50 minutuko zortzi saiotan. Ikastaroa parte hartzen dutenen etxean eskainiko da eta joan den abenduan hasi zen. Ikastaroa doakoa izango da, la Caixaklo Gizarte Ekintzak ordainduta baitago.

Bere arduradunen arabera, proiektu hau berritzailea da alzheimerra daukan gaixoaren etxean bertan emango den heinean. Hortaz, beste era bateko eskaintzetara joateko astirik ez daukan zaintzailearengan iristea ahalbideratzen du programa honek.

ERRONKA BERRIAK

Programaren arduradunek azaldu dute gizakiok urte gehiago bizitzea eta bizi-esperantzak gora egitea erronka berriak dakartzan egungo gizartearen lorpena dela. Horrez gain, emakumeak lan merkatuan daukan parte-hartzeak aldaketa handiak ekarri ditu pertsona nagusien zaintzan. Endekapenezko gaixotasuna den alzheimerrak berriz, apurka-apurka gizakiaren autonomia eta gaitasun guztiak galtzea dakar.

Bizkaiko Plan Gerontologikoaren arabera, lurralde historikoan, 65 urtetik gorako %21,81 nagusi izatea aurreikusten da 2010erako. Era berean, azterketa desberdinek diotenez, instituzioetatik kanpo bizi diren nagusien %5-8 inguruk burua galtzeari dagokion endekapen kognitiboak dauzkate.

Datu hauek estrapolatzen badira, 2010erako buruko gaixotasunak dauzkaten Bizkaiko 13.268 lagun etxeko giroan zainduak izango direla esan daiteke, hauetatik 558 Busturialdean eta 353 Lea-Artibain. Etxean bertan gaixo hauek zaintzen dituzten lagunen bizi-kalitatea hobetu eta alzheimerra daukan gaixoaren zaintza hobea izatea dauka helburu programa honek.


193 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin