Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Alpinismoa.- BBK-Everest espedizioko kideek uko egin behar izan diote gailurrera heltzeari, 448 metro falta zirela


2006-10-03 11:50

BILBO, 3 (EUROPA PRESS)

BBK-Everest espedizioko kideek uko egin behar izan diote munduko mendirik altueneko gailurrari, 448 metro falta zirela. Horrela, Juan Vallejo, Alberto Iñurrategi eta Ferran Latorre ez dira berriro saiatuko, eta datorren astean Euskal Herrira itzuliko dira.

Bertan goizeko 6,45 zirela (2,45 Euskal Herrian), BBK-Everest 2006 espedizioko kideek igoera bertan behera utziko zutela jakinarazi diote kanpaleku nagusira. Alpinistek kontatu ahal izan dutenez, egunaren hasieratik beretik Ferran Latorre gaizki sentitu da eta 8.000 metroko altueran atzera egin behar izan du.

Juan Vallejok eta Alberto Iñurrategik, aldiz, aurrera egin dute, baina nekea eta deshidratazioa zirela medio, Vallejok ere uko egin behar izan dio jarraitzeari; bost bat orduko ibilbidea falta zen une horretan gailurrerako, 8.400 metrotan zeuden eta. Gauzak horrela, Iñurrategik ere atzera egitea erabaki du.

Ordu hauetan, alpinistak azken kanpalekuan daude atseden hartzen, 7.900 metrora. Bihar lehenengo kanpalekura jaisten hasiko dira eta handik kanpaleku nagusira ordu batzuetan.

Bertatik, hain zuzen ere, laguntza eta informazio-zereginetan aritu den Juanjo San Sebastianek alpinistek azaldu dizkieten xehetasunak kontatu ditu. Espedizioan ezarri diren eskakizunak apartekoak izan direla, eta, igoeraren ezaugarriak zirela medio, egokitzapena denbora errekorrean egin beharra zegoela eta eguraldiak ez duela lagundu nabarmendu du.

Elurra zela eta, atseden-egunak hartu behar izan dituzte, eta horrek apurtu egin du berez oso gogorra zen erritmoa. Azkenean, faktura pasa du horrek guztiak. Gainera, behin igotzen hasita, oso baldintza gogorrak aurkitu dituzte, San Sebastianek azaldu duenez.

Hormaren sarrerarainoko egunak lasaia behar zuen, baina izugarri gogorra gertatu zen eta gainera gauean ezin izan zituzten indarrak berritu oso baldintza zailetan baitzegoen guztia.

Horrela, atzo bertan Alberto Iñurrategik ohartarazten zuen oso zaila izango zela guztia, 900 metroko desnibela falta zenean, hori asko izan daitekeelako baldintza horietan. Penaturik gaude, jakina, baina aldi berean oso pozik onik daudelako eta lan bikaina egin dutelako. Tamalez, azken saria ez dute lortu, gaineratu du San Sebastianek.

BBK-Everest 2006 espedizioko kideek ez dute bigarren saiorik egingo, horrek aparteko ahalegina eskatuko lukeelako adierazitako baldintzetan. Horrela, aurreikusi daiteke datorren astean itzuliko direla etxera.


231 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin