Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Alhondiga Bilbaok bigarren komiki beka aurkeztuko du bihar Angulemako (Frantzia) Nazioarteko Komiki Jaialdiaren baitan


2009-01-29 13:00

BILBO, 29 (EUROPA PRESS)

AlhondigaBilbaok komiki bekaz gozatzeko aukera emango du bigarren aldiz. Beka honen bitartez, zentro bilbotarrak sorkuntza bultzatu eta komikiaren munduan talentu berriak sorrarazi nahi ditu, eta horretarako, komikiaren beka sortu zuen, aurten bigarren aldiz emango duena. Beka horri esker, bere balio artistiko eta izaera berritzaileagatik hautatua izango den proiektua finantzatu ahal izango da.

Alhondiga Bilbaok bihar aurkeztuko du beka hau Komikiaren Nazioarteko Hirian, Anguleman (Frantzia), egunotan istorio grafikoen Nazioarteko Jaialdia egiten ari baita bertan. Jaialdi honek 250.000 lagun bildu zituen iaz. Komikiaren Nazioarteko Hiriak eta, bereziki, La Maison des Auteurs zentroak (Egileen Etxea) Alhondiga Bilbaorekin lan egiten dute beka hau emate aldera.

Beka Angulemako La Maison des Auteurs zentroarekin lankidetzan emango da. La Maison des Auteurs komikiei eta ikus-entzunezko beste arte batzuei (animazioko zinema, bideo-jokoak eta abar) zuzendutako zentroa da, eta, bertan, lan baldintza egokiak ematen zaizkie zenbait egileri, sorkuntzan aritu daitezen eta, horrela, proiektuak aurrera atera ditzaten.

2002an ireki zenetik, Angulemako La Maison des Auteurs zentroak 70 autore baino gehiago hartu ditu bere baitan, hasiberriak zein profesionalak, Frantziakoak zein beste herrialde batzuetakoak, istoriotxoekin edo narrazio grafikoekin erlazionatutako proiektuak garatzeko asmoz, beti ere.

Autore horiek guztiek doako ekipamendu-markoa eta tailer indibidual edo kolektiboa izan dute, eta irudiak sortzeko behar izan duten material guztia eman zaie (postu informatikoa, marrazteko taula, eskanerra eta abar). Beste espazio komun batzuk ere eskaintzen zaizkie bekadunei, esate baterako, informatika eta erreprografia aretoa, dokumentazio aretoa, erakusketa eta hitzaldi aretoa, besteak beste.

BEKAK ESKAINTZEN DUENA

Alhondiga Bilbao-Komikia bekak honakoak eskaintzen ditu:

ostatua apartamentu batean, gehienez ere, 12 hilabetera arte; La Maison des Auteurs zentroko ekipamendu eta zerbitzu guztiak erabiltzeko aukera; 1.000 euro hilean, gehienez ere urtebetez.

Alhondiga Bilbaok, bere aldetik edo espezializatutako argitaletxe batekin lankidetzan, proiektua argitaratzeko aukera aztertuko du, beka amaitu eta hurrengo urtearen barruan. Proiektua argitaratuz gero, euskaraz eta gaztelaniaz argitaratuko litzateke.

Beka eskuratu ahal izateko, hautagaiek baldintza hauek bete beharko dituzte: 18 urte beteta izatea, Espainian bizitzea eta ikasketarik ez egitea beste inongo zentro ofizialetan; komiki-sorkuntzako proiektu bat aurkeztea (euskaraz edo gaztelaniaz), lana behar bezala ikusi ahal izateko moduan, paperean edo formatu digitalean.

Proiektuak aurkezteko epea apirilaren 14an bukatuko da, eta epaimahaiak 2010eko urtarriletik aurrera emango du bere erabakia. Bekadunak 2010eko urtarriletik aurrera hasiko du bere egonaldia.

Aukeraketa egingo duen epaimahaia marrazkilariz, gidoilariz eta kritikari espezializatuz egongo da osatuta, eta denak esparru honetan ospe handia duten pertsonak izango dira. Epaimahaiaren presidentea Paco Roca izango da, Komikiaren Sari Nazionalaren irabazlea, eta berarekin batera egongo dira Alvaro Pons, Juan Manuel Diaz de Guereñu, Paco Camarasa, Jose Ibarrola eta Antonio Altarriba.


211 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin