Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Alhondiga Bilbaok Across the universe jardunaldiak antolatu ditu unibertsoaren sekretuak argitzeko asmoz


2009-01-09 15:59

BILBO, 9 (EUROPA PRESS)

Alhondiga Bilbao zentroak dibulgazio zientifikoko jardunaldi batzuk antolatu ditu Across the universe izenburupean. Bertara doazenek unibertsoak ezkutatzen dituen misterioak deskubritu ahal izango dituzte, antolatzaileek adierazi dutenez.

Jardunaldiak datorren astean egingo dira, urtarrilaren 12tik 18ra bitartean, Bilboko Indautxu Plazan instalatuko den karpa handi batean, eta, modu horretan, Astronomiaren Nazioarteko Urtea inauguratuko da Bizkaiko hiriburuan.

Galileok lehenengo teleskopioa sortu izanaren garrantzia ospatzeko asmoz, UNESCOk Astronomiaren Nazioarteko Urtetzat hartu du 2009a, eta Alhondiga Bilbaok bat egin nahi izan du ospakizun horrekin, unibertsoko gauzarik zoragarrienak eta konturik liluragarrienak bilbotarrei helaraziz.

Egun horietan Indautxu Plazako karpara doazenek jarduera ugari egin ahal izango dituzte, besteak beste, Ho planetarioarekin gozatu, eguzki-erlojua egiten ikasi, Across the universe erakusketako bisita gidatuetan parte hartu, astronauten elikagaiak dastatu edo gai horretan adituak direnen hitzaldiak entzun.


220 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin