Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Albaola elkartea eta Oarsoaldea Eskualdeko Garapen Agentzia Bartzelonako Itsas Azokaren 45. edizioan izango dira


2006-10-31 16:45

DONOSTIA, 31 (EUROPA PRESS)

Albaola elkarteak eta Oarsoaldea Eskualdearen Garapenerako Agentziak azaroaren 4tik 12ra bitartean ospatuko den Bartzelonako Itsas Azokaren 45. edizioan izango dira, bi elkarteetako iturriek gaur iragarri dutenez.

Aurten, Bartzelonako Itsas Azokak itsas ondarearen alde egin du apustu, horretarako Marina Tradicional deritzon gunea sortuz. Gune honetan itsas ondarea berreskuratzeko elkarte ezberdinek egindako lanak izango dira ikusgai eta, era berean, ontziola tradizionalen eta itsasontzi tradizionaletan egiten den itsas turismoaren gunea izango da.

Azoka honetan 1.800 itsasontzi elkartuko dira Bartzelonako Gran Vian eta, hauez gain, luzera handiko 250 itsasontzi Port Vell portuan egongo dira erakusgai. Antolatzaileen arabera, nazioarteko 630 erakusketari baino gehiago izango dira bertan, 32 herrialde ezberdinen ordezkari, eta 175.000 bisitari inguru espero dira.

Izaskun Gomez Oarsoaldea Eskualdearen Garapen Agentziako presidente eta Pasaiako alkateak jakinarazi digunez, Oarsoaldeko Turismo Sailak eta Albaola elkarteak batera hartuko dute parte azoka honetan erakusketa batekin. Erakusketa honen ardatz nagusia Ameriketatik itsasontzia izango da, XIX. mendeko euskal arrantzaleen trainerua.

Itsasontzi hau Albaola elkarteak eraiki du Pasai Donibaneko Ontziola Tradizionalean. Itsasontziaz gain, euskal itsas ondarearen eta Albaola eta Ontziolaren jardueren inguruko informazioa eskainiko da bertan eta Oarsoaldea eskualdeak informazio-stand bat izango du.

Era berean, azaroaren 5ean, igandea, arratsaldeko 17,00etan, Xabier Agote Albaola elkarteko presidenteak hitzaldi bat emango du Kanadara egin berri duten Apaizac Obeto espedizioari buruz, bertan XVI. mendeko euskal bale-arrantzaleek itsaso haietan izandako balentria islatu delarik.

Apaizac Obeto espedizioa, Albaola elkarteko kideek Beothuk izeneko XVI. mendeko euskal baleontzian, arbasoen garaiko nabigazio estilo bera erabiliz, sei astetan zehar bela eta arraunen laguntzarekin soilik burutu zuten 1.000 itsas miliako erronka da.


224 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin