Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-AEB, Australia, Alemania eta Espainiako adituek munduko energia horniketaren gakoak aztertuko dituzte Zamudion


2006-09-19 12:24

BILBO, 19 (EUROPA PRESS)

Energiari lotutako AEBtako, Australiako, Alemaniako eta Espainiako alor desberdinetako adituek datozen hiru hamarkadetako munduko energia horniketaren gakoei buruzko ikuspuntuak azalduko dituzte Euskadiko Energia Klusterrak irailaren 29rako Zamudion dagoen Bizkaiko Teknologia Elkartegian antolaturiko foroan.

Urtero bezala, energiaren sektorearen inguruko hausnarketa-gune honetako partaideak nazioartean duten ospea eta eztabaidarako egin ditzaketen ekarpen teorikoak gogoan hartuta aukeratu dira. Ildo honetan, Mariano Marzo Geologia doktorea da, eta petrolioaren geologia eta energia iturriei buruzko eskolak ematen ditu Bartzelonako Unibertsitatean. Hidrokarburoen zundaketa eta ekoizpenean espezializatutako aditu honek, Cepsa, Exxon Mobil, Repsol-YPF, Shell, Total eta beste hainbat konpainiarentzako ikerketa eta prestakuntza proiektuetan lan egin du.

Bestalde, Greg Tegart Melbourneko (Australia) Victoria Teknologia Unibertsitateko irakasleak, industria pribatuan lan egiteaz gain, Australiako Gobernuaren zientzia, teknologia eta ingurumen alorreko aholkularia ere izan da.

Richard L. Garwin Chicagoko Unibertsitateko Fisika doktorea da, irakasle laguntzailea Columbiakoan, eta Harvarden ere irakasle ibilitakoa. Lau hamarkadetan IBM Korporazioko Thomas J. Watson ikerkuntza zentroan lan egin zuen, eta 1960ko eta 1970eko hamarkadetan Etxe Zuriko Zientziaren Aholku Batzordeko kidea izan zen. AEBtako zientzia eta ingeniaritza akademietako partaidea da, eta energi nuklearrean aditua.

Timon Wehnert alemana energiaren inguruko balorazioetan eta etorkizuneko prospekzioetan espezializatutako IZT Institutuko kidea da. Europan, eszenatoki sozial eta teknologikoei buruz eta 2030eko etorkizun energetikoari buruz egindako Delphi azterketaren arduradunetako bat izan da.

Azkenik, John A. Skip Laitner, gaur egun American Council for an Energy-Efficient Economy (ACEEE) erakundeko ekonomilaria, eta duela lau hilabete arte EPAko (ingurumena babesteko estatubatuar agentzia) politika teknologikoaren sailari atxikitako ekonomilaria, sari baten irabazlea izan zen 1998an Kyotoko protokoloa prestatzen lagundu zuen taldekako lan batengatik. Politika ekonomikoaren azterketan eta inpaktu ekonomikoa eta garapen planen inguruko ikerkuntzan 30 urteko esperientzia duelarik, energia eraginkortasuna hobetzeko aurrikuspenetan espezializatu da.

Errekin fosilen ordezko horniketa eta kontsumo eredu berri bat agertzeko zain --2030 urterako aurrikusita dago--, foroaren oraingo edizioak 2030etik aurrera ezarriko den eskari-eskaintza eredu nagusia eta ordurarteko trantsizio aldia bistaratzea du helburu. Hizlariek horniketaren iturriak eta segurtasuna, prezioen bilakaera eta ingurumenaren gaineko ondorioak bezalako gai garrantzitsuak aztertuko dituzte, besteak beste.

Energia Klusterra euskal energia sektoreko enpresarik garrantzitsuenek eta sektore hau hornitzen duten ekipo-fabrikatzaile kualifikatuek osatzen dute. Klusterren 80 konpainia baino gehiago daude ordezkatuta, eta haien helburua sustapen eta ikerketa arloko ekintzak bideratzea da, energiaren esparruan bazkideen lehiakortasuna hobetzeko asmoz.


240 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin