Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ados Teatroa taldearen Si ves a Lola, dile que es rica lanaren irakurketa antzeztua izango da bihar Getxon (Bizkaia)


2009-01-26 13:50

BILBO, 26 (EUROPA PRESS)

Ados Teatroa konpainiaren Si ves a Lola, dile que es rica izenburuko azken ikuskizunaren irakurketa antzeztua egingo da bihar Getxoko (Bizkaia) Algortako Kultur Etxean. Lierni Fresnedo, Ainhoa Aierbe eta Kandido Uranga aktoreek antzeztuko dituzte zenbait istorio uztartzen dituen thriller horretako pertsonaiak. Emanaldia 20:00etan hasiko da eta sarrera doakoa da, Getxoko Kultur Etxetik azaldu dutenez.

Si ves a Lola, dile que es rica antzezlanak intriga-istorioak eta beste hainbat istorio txiki hartzen ditu barne. Ikuskizunaren hari nagusia Isabel da, azken bi urteetan etxetik irten ez den emakumea, agorafobia baitu. Hala ere, gaixotasunak ez du kikildu Isabel eta, horri esker, istorioak kontatzeko eta jendea entzuteko trebetasun handia garatu du.

Hori dela eta, gauero irrati-saio bat egiten du bere etxetik eta entzuleek kontatzen dizkioten istorioak entzuten ditu, bata bestearen atzetik. Horrela, Isabelek bere etxetik irten gabe mundu berriak sortzeko gai da.

Gau batean, ustekabean, Isabel desagertu egiten da eta lagun batzuk emakumea bilatzen hasiko dira. Bilaketa horretan zenbait mundu eta leku zeharkatuko dituzte, batzuk benetakoak eta, beste batzuk, irratiko istorioekin gertatzen den bezala, alegiazkoak.


262 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin