Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Adingabe bat atxilotu dute Sestaon (Bizkaia), beste bati labankada bat emateagatik Barakaldoko giro handiko toki batean


2009-02-10 18:09

BILBO, 10 (EUROPA PRESS)

Ertzaintzaren agenteek adingabe bat atxilotu zuten atzo goizean Sestaon (Bizkaia), ustez arma zuriz egindako lesio delitu bat egin izana egotzita. Gertakaria Barakaldoko (Bizkaia) giro handiko toki batean jazo zen urtarrilaren 25ean, zenbait gaztek gizonezko bat inguratu eta jo zutenean. Erasoan atxilotutako adingabeak labankada bat eman zion sabelaldean, eta biktima zauri larriekin eraman zuten Gurutzetako Ospitalera, Herrizaingo Sailak jakinarazi duenez.

Atxilotuari (17 urteko adingabe bat) leporatutako gertakariak urtarrilaren 25ean izan ziren, 1:30etan, Barakaldoko Juan de Garay kalean. Gatazka zerk eragin zuen oraindik ikertzen ari direla, zenbait gaztek 19 urteko mutil bat inguratu zuten eta, jarraian, eraso egin zioten. Eraso horretan, atxilotu berri duten 17 urteko gizon gazteak labankada bat eman zion biktimari sabelaldean. Jarraian erasotzaileek ihes egin zuten agudo.

SOS-Deiak/112 zerbitzuak gertakariaren berri izan zuenean, anbulantzia bat bidali zuen eta Ertzaintzaren hainbat patruila bertaratu ziren. Hala, zauritua Gurutzetako Ospitera eraman zuten berehala eta bost egun ospitaleratuta egon da, zauriak artatzeko.

Ertzaintzak abiatutako ikerketak labankadaren ustezko egilea eta erasoan parte hartu zuten gainerako bost pertsonak identifikatzea ahalbidetu zuen. Hortaz, Ertzaintzak labankadaren ustezko egilea atxilotu zuen, bere familiari gaztearekin batera polizia egoitzan bertaratzeko eskatu ostean. Adingabeari arma zuriz egindako ustezko lesio delitu bat egin izana leporatu diote, eta ikertzaileek beste lesio delitu bat egotzi diote erasoan parte hartu zuen beste gazte bati.


479 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin