Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Adinekoen Behatokia sortu du Bizkaiko Diputazioak, lurraldeko adinekoen egoera, beharrak eta arazoak hobeto ezagutzeko


2009-01-13 14:21

BILBO, 13 (EUROPA PRESS)

Bizkaiko Foru Aldundiaren Gobernu Kontseiluak Lurralde Historikoko Adinekoen Behatokia eratu eta arautzen duen dekretua onartu du gaurko bileran. Kide anitzeko organoa izango da, izaera teknikoa duena eta aholku-emailea, eta Bizkaiko Foru Aldundiko Gizarte Ekintza Sailari atxikita egongo da. Bere helburua adinekoen egoera, beharrak eta arazoak hobeto ezagutzea da, adineko bizkaitarreei zuzendutako politika eta proiektu instituzionalak egoki bideratzeko.

Zehatzago, adinekoen ekonomia, gizarte eta osasun egoerari buruzko datuak bilduko ditu, eta arlo honetan eskumena duten herri administrazioei gomendioak egingo dizkie. Behatokian ordezkariak dituzten euskal administrazioei informazioa eta aholkua emango dizkie, eta, azkenik, informazio-iturria izango da adinekoen arloan jarduten duten eragileentzat.

Bizkaiko Adinekoen Kontseiluak proposatuta jaio da behatokia, eta bertan egongo dira ordezkatuta Foru Aldundiko Gizarte Ekintza Saila, Bizkaiko Adinekoen Kontseilua, Eusko Jaurlaritzako Osasun Saila, Eudel Euskal Udalen Elkartea, Geriatria eta Gerontologiako Euskal Elkartea eta adinekoen arloan jarduten duten elkarte eta erakundeak (irabazteko asmoa dutenak zein ez dutenak).

Behatokia abiarazi eta kudeatzeko, Bizkaiko Foru Aldundiak hitzarmen bat sinatu du Euskal Herriko Unibertsitatearekin (EHU) eta Deustuko Unibertsitatearekin.


214 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin