Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Adin txikiko bat atxilotu du Ertzaintzak Bilbon diru-zorroa osteko beste bati erasotzearren


2006-01-12 12:29

Lagun bat atxilotu dute telefono mugikor bat lapurtu duelakoan

BILBO, 12 (EUROPA PRESS)

Ertzaintzaren Bilboko agenteek 14 urteko gazte bat atxilotu zuten atzo indarkeria erabilita lapurreta egiteagatik. Atxilotuak, lagun batekin batera, beste adin txikiko bati eraso eta diru-zorroa kendu zion. Bestetik, euskal poliziak 22 urteko beste lagun bat atxilotu zuen atzo iragan abenduan telefono mugikor bat lapurtu izanagatik.

Eusko Jaurlaritzako Herrizaingo Sailaren mende dagoen Ertzaintzak igorritako prentsa-ohar baten arabera, 2005eko irailaren 1ean, adin txikiko batek zera salatu zuen Ertzaintzaren aurrean: egun horretan bertan Solokoetxe auzoan lagun batekin zegoela, bi adin txikiko hurbildu zitzaizkiela eta, hitzik esan gabe, eraso eta diru-zorroa kendu ziotela.

Hainbat ikerketen ostean, delitu honen egileetako bat identifikatu eta atzo (asteazkena) atxilotu zuten poliziaren egoitzan. Egilea bere tutorearekin batera aurkeztu zen bertan, Bilboko Ertzainetxera joateko agindu baitzioten kasua aztertzen dabiltzan agenteek.

Atxilotuak, lehenago ere ondasunaren aurkako delituengatik hiru aldiz preso izana, atzo bertan eraman zuten Adin Txikiko Fiskaltzara.

Ertzaintza ikertzen dago oraindik, lapurretan zerikusia izan zuen beste gaztea identifikatzeko.

TELEFONO MUGIKOR BATEN LAPURRETA

Bestetik, Bilboko Ertzainetxeko agenteek Bilboko bizilagun bat, D.P.C. 22 urtekoa, atxilotu zuten atzo, joan den abenduan egindako lapurreta batean parte hartu zuelakoan. Ustezko lapurrak eta beste hiru lagunek oinezko bati sakelako telefonoa ostu zioten, berarekin hizketan hasi ondoren.

Atzo arratsaldeko 19,20an, patruila batek hiru lagun identifikatu zituen Uribarri kalean, inguru horretako supermerkatu batean gertaturiko lapurreta txiki baten berri izan eta gero.

Haietako bat, D.P.C., 2005eko abenduaren 16an izandako lapurreta batengatik bilatzen ari ziren. Salatzailearen arabera, egun hartan, Urkijo zumarkalean zebiltzan lau gazterekin hizketan hasi ostean, beraien furgonetan sartzeko gonbita egin zioten. Jarraian, Bilboko hainbat kaletan ibili ondoren, biktima ibilgailutik atera, eraso eta telefono mugikorra lapurtu zioten.

Ertzaintzak ikertzen jarraitzen du lapurretan zerikusia duten gainerakoak identifikatu eta aurkitzeko. Ustezko lapurra 10 aldiz baino gehiagoz atxilotu dute, eta epailearen esku utziko dute behin poliziak egin beharreko eginbideak amaituta.


231 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin