Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Abian da Bilbao Hiria Pop Rock Lehiaketaren 19. edizioa


2006-11-03 13:53

Sei sari berri izango dira eta, 32.000 euro esku-dirutan emateaz gain, bi disko grabatzeko aukera eskainiko du, besteak beste

BILBO, 3 (EUROPA PRESS)

Jon Aritz Bengoetxea Bilboko Udaleko Hezkuntza, Gazteria eta Kirol Saileko zinegotziak Bilbao Hiria Pop Rock Lehiaketaren 19. edizioa aurkeztu du gaur. Edizio honeta berrikuntza garrantzitsuak izango dira, eta, esate baterako, sei sari berri antolatu dituzte.

Horrez gain, prentsaurrekoan Festival Manager musika-jaialdien antolakuntzaren gainean egindako lehen simulazio jokoa aurkeztu da. Interesatutako guztiek Interneteko webgune honetan eskura dezakete jokoa: www.heineken.es/clubheineken/festival_manager.aspx.

Bertan, instalazioak kudeatu, langileak eta zerbitzuak kontratatu, dirua administratu, jaialdia ekipamenduz hornitu eta, batez ere, artistak kontratatu beharko dituzte, lehiaketako bigarren fasera igarotzen diren 40 banden artean. On-line trebatzeko moduko jolasa ez bada ere, aldian behin informazioa trukatzeko konexioak egingo dira. Gogoan izango dira bai jaialdiaren arrakasta, bai eta banden lana ere, eta horretan oinarrituta erabakiko da zein izango den jokoan baloraziorik onena, eta ondorioz Heineken Saria jasoko duen banda.

Lehiaketan bi fase egongo dira. Lehena izena emateko fasea izango da; abenduaren 31 baino lehen izena eman beharko dute parte hartu nahi duten talde guztiek. Taldeek gutxienez haiek osatutako hiru abesti biltzen dituen maketa edo disko bat aurkeztu beharko dute, ezin dute disko bat baino gehiago editatuta eduki, eta ezin izango dira aurkeztu aurreko edizioetan lehen edo bigarren saria lortu dutenak.

Ohikoa denez, modalitateak hiru dira: Pop-Rocka, Metala eta Joera Berriak. Era berean, modalitate bakoitzean hiru epaimahai espezializatu egongo dira, eta epaimahai-lanetan tokiko komunikabideetako profesionalak arituko dira.

Lan guztiak aurkeztu eta gero, epaimahaiek 40 talde (Pop Rockeko 23 talde, Metaleko 11 eta Joera Berrietako 6) hautatuko dituzte, eta, ondoren, bigarren fasean parte hartuko dute. Bigarren fasea 2007ko martxoa eta maiatza artean egingo da; alegia, talde horiek zuzenean aritu beharko dute BilboRock-La Merced aretoan. Metaleko eta Pop Rockeko hiru talde onenek, berriz, ekainaren 6ko eta 7ko azken kontzertuetan jo beharko dute. Ondoren, modalitate bakoitzeko irabazleak hautatuko dira.

BERRIKUNTZAK

Iazko oinarriekin alderatuta, aurtengo berrikuntzak hauek dira: lehiaketarako 40 talde onartzea (iaz, 46) eta gonbidatuak 10 izatea (iaz, 12). Edizio honen berrikuntza bezala, gonbidatutako taldeek aukera izango dute gainerako parte-hartzaileek dituzten sari berberetan parte hartzeko.

Bestalde, sarietan aldaketa batzuk egin dira; hain zuzen ere, Joera Berrietako sari bat kendu egin da eta beste sei sari berri jarri dira. Modu horretan, 32.000 euro esku-dirutan banatzeaz gain, bi disko grabatzeko aukera eskainiko da, musika-tresnak emango dira eta beste jai batzuetako karteletan bandak agertuko dira.

Bilbao Hiria lehiaketan emango diren diru-sariak ondokoak dira: Pop Rock modalitatean, lehenengoak 6.000 euro, bigarrenak 4.000 euro, hirugarrenak 3.000 euro, laugarrenak 2.000 euro eta bosgarrenak 1.000 euro; Metalean, lehenengoak 6.000 euro, bigarrenak 4.000 euro eta hirugarrenak 2.000 euro; Joera Berrietan, irabazleak 4.000 euro jasoko ditu.

Bestalde, Bilbao Hiria saria emango da Estatuko banda onenarentzat, eta CD bat grabatzu ahal izango du. Halaber, Bilbao Aktiba! saria jasoko du Euskal Herriko banda onenak (CD baten grabazioa).

Sennheiser 935 Award izango da sari berrietako bat, Pop Rockeko eta Metaleko Estatuko kantari onenarentzat, hain zuzen ere. Irabazleak, Sennheiser Evolution G2 hari gabeko mikrofono 1, MD935 kapsularekin eramango du.

BilboRock zuzenean saria ere berria da: BilboRock aretoan doan aurkezteko aukera Estatuko bandarik onenak eta Euskal Herriko bandarik onenak egindako lanak, sari horiek medio. Halaber, Azkena Rock Festival sariari esker, Euskal Herriko rock banda onenak ARF jaialdiaren seigarren edizioan jo ahal izango du. Sonor saria Bilbok gonbidatutako banda onenarentzat izango da: 8 kanaleko nahasketa-mahaia, efektu eta guzti, eta 2 ahots-mikrofono.

P60-NL Podium sari berriari esker, Holandako jaialdi batean jo ahal izango du irabazleak, eta Heineken sariarekin, Festival Manager jokoan baloratutako banda onenak Bilbao Hiria-ren 19. edizioko kontzertuetan erabilitako backline (10.000 euro inguru) eramango du.

Grab saria Metaleko banda onenarentzat izango da, eta metal musikari lotutako jantzien markaren urtebeteko laguntzan datza. Epiphone saria ere berria da, Pop Rockeko eta Metaleko gitarra-jole eta baxu-jole onenentzat: bi gitarra eta bi Epiphone baxu.

Bilbao Hiria Pop Rock lehiaketa 1998. urteko urrian jarri zen abian, eta, geroztik, urtetik urtera, gero eta jende gehiagok parte hartu du. Aurreneko edizioetan, batez beste 170 bandak parte hartu bazuten ere, kopuru hori dezente igo da; iaz, esate baterako, Estatuko nahiz Europako gainerako herrialdeetako 1.600 taldek parte hartu zuten. Guztira 24 kontzertu eman ziren, eta kontzertu horietan 10.000 lagun baino gehiago bildu ziren.


140 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin