Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Abenduaren 1ean amaituko da Zientzia Dibulgazioko XIII. CAF-Elhuyar Sarietara lanak aurkezteko epea


2006-10-24 13:44

BILBO, 24 (EUROPA PRESS)

Zientzia Dibulgazioko XIII. CAF-Elhuyar sariak maiatzean abiatu ziren, eta lanak aurkezteko epea abenduaren 1ean amaituko da. Beraz, parte-hartzaileek oraindik badute denbora zientzia dibulgazioko artikuluak bidaltzeko, ELhuyar Fundazioko iturriek gaur iragarri dutenez.

Aurtengo edizioan hiru sari nagusi eta gazteentzako sari berezi bat banatuko dira: lehen saria, 1.000 euro eta oroigarria; bigarren saria, 500 euro eta oroigarria; hirugarren saria, 300 euro eta oroigarria; eta gazteentzako sari berezia, 300 euro eta oroigarria.

Euskararen eta zientziaren alorrean eskarmentu handia duten adituek osatuko dute epaimahaia, eta 2007ko martxoan egingo den sari-banaketan emango da irabazleen berri.

Epaimahaia pertsona hauek osatuko dute: Mikel Alvarez, medikua eta Gurutzeta Ospitaleko zuzendari nagusia; Cristina Alberdi, Inasmeteko marketin eta komunikazio-arduraduna; Koldo Nuñez, Geologian doktorea, Elgoibarko IMHko zuzendaria eta zientzia-dibulgatzailea; eta, azkenik, Enrique Ortega, Fisika Aplikatuan katedraduna eta Euskal Herriko Unibertsitateko ikertzailea.

Lan irabazleak Elhuyar Zientzia eta Teknika aldizkarian eta www.zientzia.net webgunean argitaratuko dira. Oinarriak eta aurreko edizioetako lan irabazleak www.zientzia.net eta www.elhuyar.org web-orrialdeetan ikus daitezke.

Beasaingo CAF enpresak babesturik, zientziaren dibulgazioa sustatzeko sariak sortu zituen Elhuyarrek duela 13 urte. Erronka hari tinko eutsiz, 1994az geroztik urtero aurkezten dira zientziaren dibulgaziorako CAF-Elhuyar sariak. Ehunka zientzialarik eta idazlek beren lanak argitaratzeko aukera aparta dira sariok, lortu duten oihartzunak erakusten duenez. Bestalde, egitasmo honek Eusko Jaurlaritzako Kultura Sailaren Hizkuntza Politikarako Sailburuordetzaren laguntza jaso du.


257 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin