Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Europak bihar erabakiko du opor fiskalak legezkoak izan ziren ala ez


2011-07-27 13:40

Europako auzitegi nagusiak iragan ekainean opor fiskalen aurreneko neurria legez kanpokoa zela erabaki zuen. Orain, gainerako bien inguruko erabakia hartu beharko du.

Europar Batasuneko Justizia Auzitegiak bihar erabakiko du opor fiskalen azken neurriak legez kanpokoak ala legezkoak diren. Opor fiskalak Euskal Autonomia Erkidegoko hiru aldundiek 90eko hamarkadan sortu ziren enpresei emandako laguntza sorta batzuk dira.

Europako auzitegi nagusiak iragan ekainean opor fiskalen aurreneko neurria legez kanpokoa zela erabaki zuen. Orain, gainerako bien inguruko erabakia hartu beharko du. Europar Batzordeak auzitegiari exijitu dio Espainiari isuna ezartzea.

Biharko ebazpena kontrakoa bada, Foru Aldundiei Europar Batzordeak eskatutako isuna jarriko zaien ala ez erabakitzea baino ez da geratuko auzia amaitzeko. Opor fiskalen auzia 1994. urtean iritsi zen Bruselara. 2001. urtean legez kanpoko laguntzak izan zirela erabaki zuen Europar Batzordeak, eta Espainiari bertan behera uzteko eta laguntzak bueltatzeko eskaera egin zion.

1993an, Jose Antonio Ardanza lehendakariak akordioa lotu zuen Bizkaiko, Arabako eta Gipuzkoako aldundiekin. Akordio horren arabera, 1993 eta 1994 artean EAEn sortzen ziren enpresei elkarteen gaineko zerga ez ordaintzeko baimena ematen zieten hamar urterako, eta horregatik esaten da opor fiskalak izan zirela.

Nafarroan ere antzeko zerga-salbuespen bat ezarri zuten.
Baldintza bakarra enpresa horiek gutxienez 480.810 euro inbertitu eta 10 lanpostu sortu behar zituztela zen.



Informazio gehiago:Eitb: Europak bihar erabakiko du opor fiskalak legezkoak izan ziren ala ez

39 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin