Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Euriborra % 1,924ra igo da EBZk interes-tasen igoera iragarri ostean


2011-03-05 07:55

Apirilean edo maiatzean interes-tasak igoko dituela iragarri du Europako Banku Zentralak. Euriborra azken bi urteetako mailarik altuenean kokatu da.

Hipoteka duten lagunentzat albiste txarra: Euriborrak gora egin du eta % 1,924an kokatu da. Ostegunean % 1,780an zegoen.

Apirilean edo maiatzean interes-tasak igoko dituela iragarri zuen atzo, ostiralean, Europako Banku Zentralak (EBZ). Martxoan % 1,773an hasi zuen indizeak eta azken hilabeteetan gorakako joera txiki bat izan du.

Baina hazkunde txiki hori hautsi egin da gaur EBZk egindako iragarpenarekin. Diruaren salneurria garestitzeko aukeraz mintzatu da Europako Banku Zentrala. Duela urtebete, 2010eko martxoan, Euriborrak historiako batez bestekorik baxuena markatu zuen (% 1,215).

Orain, ostera, Euriborra ia bi urtetan izandako mailarik altuenean kokatu da. 2009ko martxoaren 18an % 1,927 kokatu zen. 2008ko ekainaren 6az geroztik izandako igoerarik handiena da gaurkoa. Orduan 29 puntu egin zituen gora Euriborrak, gaur 14.




Informazio gehiago:Eitb: Euriborra % 1,924ra igo da EBZk interes-tasen igoera iragarri ostean

47 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin