Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Euria izango da nagusi datozen egunetan, Euskadin


2012-01-05 11:23

Eguraldi txarra asteburu osoan zehar izango dugu. Giroa goibela izango da, hodei askorekin.

Euskalmet euskal meteorologia agentziaren arabera, gaur, osteguna, hobekuntza nabarituko dugu, baina iluntzean beste fronte batek eragingo digu. Eguna lainopean hasiko dugu, eta izotza egingo du barnealdeko puntu batzuetan, baina jasotakoan eguraldi polita izango da; hodeiak eta eguzkia tartekatuko dira. Baina arratsalderako aldaketa espero dugu; itsasaldetik hodeiak iritsiko zaizkigu eta iluntze partean euria hasiko du, batez ere kantauri isurialdeko ekialdean. Mendebal/ipar-mendebaldeko haizea zakar ibiliko da, batez ere kostaldean, eta tenperatura maximoak igo egingo dira pixka bat.

Ostiralean, berriro ere, eguraldi goibela eta umela izango dugu. Goizaldean lainotu eta euritara joko du, eta ia egun osoz egingo du tarteka euria. Euri samurra izango da orokorrean, nahiz eta kantauri isurialdeko zenbait puntutan zaparrada batzuk bota, bereziki Gipuzkoan eta Nafarroa iparraldean. Tenperatura minimoak igo egingo dira, aldiz, maximoak, jaitsi. Ipar-mendebaldeko haizea ibiliko da.

Larunbaterako ez dugu aldaketarik espero. Giro goibelarekin jarraituko du, zerua hodei baxuez estalita egongo da eta euria egingo du tarteka, nahiz eta ostiralean baino gutxiago egin; gutxiago eta gutxiagotan. Iparraldeko haizea ibiliko da, eta tenperaturan ez da gorabeherarik izango.

Igandean, zerua hodeitsu egongo da, tarteka oso hodeitsu kantauri isurialdean.Egunaren bigarren partean euri txikia egiteko probabilitatea handia da kantauri isurialdean. Ipar-osagaiko haize ahula ibiliko da, eta tenperaturan aldaketarik ez da izango.

Euria



Informazio gehiago:Eitb: Euria izango da nagusi datozen egunetan, Euskadin

105 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin