Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Euria eta tenperatura baxuekin jarraituko dugu


2011-07-13 09:35

Gaur giro goibel eta hezea izango da nagusi; termometroek ez dituzte puntu askotan 20 °Cak gaindituko. Ostiraletik aurrera egingo du hobera eguraldiak.

Euskalmet agentzia meteorologikoaren arabera, gaur, asteazkena, giro goibel eta hezearekin jarraituko dugu. Ipar-mendebaldeko haizea harro samar ibiliko da eta termometroek ez dituzte 20 °C gaindituko leku askotan. Zerua hodeiz estalita egongo da, bereziki goizean eta kantauriar isurialdean, euri-jasak nabarmenduko dira. Arratsaldeak aurrera egin ahala, aterruneak luzatuz joango dira eta zenbait puntutan urdinguneren bat zabalduko da.

Ostegunean eguraldiak hobera egingo du, gehienbat arratsaldean. Egunaren lehen zatian kantauriar isurialdeko zenbait puntutan zirimiri apur bat egin lezake. Egunak aurrera egin ahala, atertu egingo du eta ostarteak zabalduko dira. Haizeak iparraldetik jotzen jarraituko du eta giro freskoa izango da nagusi. Tenperaturek gorantz egin arren, 20-22 °C inguruan kokatuko dira.

Ostiralean tenperaturek gora egingo dute eta eguzki giroa nagusituko da. Goizak aurrera egin ahala zerua urdinduz joango da. Gainera, tenperaturek uda sasoiko balioak harrapatuko dituzte, maximoak 24-28 °C artekoak izango baitira.




Informazio gehiago:Eitb: Euria eta tenperatura baxuekin jarraituko dugu

58 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin