Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Euri txikia eta giro egonkorra astearen hasierarako EAEn


2011-12-11 08:58

Igande arratsaldean zerua goibelduz joango da eta astelehenean euria izango dugu hizpide. Astearterako eguzkia izango dugu gurean protagonista.

Eguraldi egonkorrari eutsiko diogu gurean igande honetan, Euskalmet Euskal Meteorologia Agentziaren iragarpenaren arabera. Eguna hotzetik eta behe-lainoekin hasiko dugu, baina goizean hego-ukituko haizeak uxatu egingo ditu, eta gerora urdingune ederrak nagusituko dira eta giroa epelduz joango da. Nafarroa hegoaldean, Ebro Ibarrean, behe-lainoa iraunkorra izan daiteke. Oro har, arratsaldera arte, giro argia gailenduko da, baina orduek aurrera egin ahala, poliki-poliki zeru-gaina goibelduz joango da. Gauean, hodei hauek, euri apur bat utz dezakete kantauri isurialdean. Termometroak 10-16 °C artean geldituko dira.

Astelehen honetako hasieran euri txikia egin lezake baina argituz joango da orduek aurrera egin ahala. Goizean, bereziki lehen orduetan, zerua ia estalita agertuko da eta zaparradaren bat edo beste bota dezake, bereziki kantauri isurialdean. Arratsaldean, atertu eta euri-lainoak desagertuz joango dira; ostarte politak irekiko dira, barnealdean bereziki. Tenperaturari dagokionez, baxuenak zertxobait igoko dira eta egunez koska bat behera egingo dute termometroek. Hego-mendebaldeko haizea zakartuz joango da gauean.

Asteartean, berriz, hegoaldeko haizea zakar ibiliko da, ufada gogorrekin eta oso gogorrekin. Goizean zehar, hodeiak eta urdingune ederrak tartekatuko dira. Arratsaldeak aurrera egin ahala, giroa goibelduz joango da eta baliteke zaparradaren bat edo beste botatzea. Tenperaturak egunez koska bat gora egingo dute.



Informazio gehiago:Eitb: Euri txikia eta giro egonkorra astearen hasierarako EAEn

69 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin