Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Etxeko langileek erregimen orokorrean kotizatuko dute


2011-06-27 16:14

Gobernuak eta sindikatuak adostuta, neurria 2012ko urtarrilaren 1ean sartuko da indarrean eta sei hilabeteko epea zabalduko da egoera berriari moldatzeko.

Etxeko langileek 2012ko urtarrilaren 1ean Gizarte Segurantzako erregimen orokorrean sartzeko akordio bat lortu dute Gobernuak eta UGT eta CCOO sindikatuek.

Akordioak kotizazio kontuei eta langile hauen zerbitzuei eragingo die soilik, eta ez lan arloko mailari.

Arau aldaketa 2012ko urtarrilaren 1ean sartuko da indarrean eta egun horretatik aurrera sei hilabeteko epea zabalduko da egoera berriari moldatzeko, beraz, neurria 2012ko uztailaren 1ean sartuko da behin-betiko indarrean.

Adostutakoaren arabera, etxeko langileak Gizarte Segurantzan alta emateko, gutxienez astean zenbat ordu lan egiten duten ezartzen duen kontratua izan behar dute. Horretaz gain, hilean edo ordu bakoitzeko jasotzen duten soldata, gauez lan egiten dituzten orduak eta etxeko jabearen kontu korrontea agertu behar da.

Kotizazioei dagokionez, jasotzen duten soldataren araberako 15 epeko eskala bat ezartzen da, 19,84 euro eta 164,60 euro arteko kuotekin, lanaldi erdia edo osoa den arabera.


700.000 kotizatzaile berri

Sindikatuko iturrien datuen arabera, Espainian 700.000 etxeko langile baino gehiago daude. horietatik % 93 emakumeak dira eta heren bat atzerritarrak. Gaur egun soilik 290.000 etxeko-langile kotizatzen ari dira.



Informazio gehiago:Eitb: Etxeko langileek erregimen orokorrean kotizatuko dute

61 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin