Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Etxebizitzetan lapurtzen zuten lau lapur atxilotu dituzte Zarautzen


2011-09-15 16:34

Atxilotuek hainbat aurrekari dituzte lapurretengatik eta atxiloketaren unean manipulatutako pistola bat, bitxiak eta hainbat aparatu elektroniko zeramatzaten.

Ertzaintzak lapur talde bat atxilotu zuen joan den astearte goizaldean, AP-8 autopistan, Zarautzen (Gipuzkoa). Taldeak etxebizitzetan egiten zituen lapurretak, eta agenteek ostutako
objektu ugari konfiskatu zizkieten, hala nola bitxiak, ordenagailuak eta telefonoak, Herrizaingo Sailak jakinarazi duenez.

Iturri berdinak jakinarazi duenez, atxilotuek 22, 23, 27 eta 29 urte dituzte eta hainbat lapurreta egin dituzte Euskadin eta Frantziako hegoaldean. . Gainera, armak legez kontra edukitzea leporatzen diete. Izan ere, manipulatutako pistola baten erreplika aurkitu zuten agenteek konfiskatutako objektuen artean, hau da, benetako munizioarekin erabil zitekeena.


Atxiloketa astearte goizaldean egin zuten, 02:00ak aldera, AP-8 autopistako Zarauzko ordainlekuan, Bilborako norabidean. Delituen prebentziorako kontrol batean, agenteek gelditzeko agindua eman zioten Mercedes auto bati, barruan orain atxilotutako lau lagunak zihoazela.

Lapurretak egiteagatik aurrekariak zituztela ikusita, agenteek autoa miatzeari ekin zioten. Maleta-lekuan bitxiak, imitaziozko-bitxiak eta zenbait tresna elektroniko aurkitu zituztenean, ostutako objektuak izan zitezkeela susmatu zuten ertzainek.

Honako objektu hauek konfiskatu zituzten zehazki: zazpi ordenagailu eramangarri zein mahaikoak, zortzi telefono mugikor eta urrezko eta imitazioko-bitxietako zenbait pieza. Era berean, zenbait kreditu-txartel aurkitu zituzten; haietako hiru, gainera, Donostian, Laudion eta Balmasedan egin berriko lapurretan lortuak.



Informazio gehiago:Eitb: Etxebizitzetan lapurtzen zuten lau lapur atxilotu dituzte Zarautzen

185 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin