Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

ETAko presoak hurbiltzea eskatu dio lehendakariak Mariano Rajoyri


2012-01-27 20:50

Batasuna legeztatzeko eskaera ere egin dio Patxi Lopezek, Madrilen egin duten bileran. Rajoyren jarrera harbera izan dela esan du lehendakariak.

ETAko presoak Euskadiko kartzeletara hurreratzea eta birgizarteratze politika indibiduala martxan jartzea eskatu dio Patxi Lopez lehendakariak Mariano Rajoy presidenteari, ostiral honetan Moncloa jauregian egin dute bilera. Era berean, Batasunaren legeztatzearen beharra ere agertu dio lehendakariak Gobernuko presidenteari.

Ordu bateko bilera egin dute bi buruzagiek, eta, ondoren, lehendakariak komunikabideen aurrean agerraldian egin du, bertan landu dituzten gaiei buruz hitz egiteko. Rajoyen jarrera harbera izan dela azpimarratu du Patxi Lopezek, eta presidenteak ETAren indarkeriaren bukaeraren kudeaketa Estatu mailako gai bezala hartuko duela ere uste du lehendakariak.

Gaixotasun larriak eta atzeraezinak dituzten presoei neurri bateko askatasuna emateko eskaera ere luzatu dio Patxi Lopezek Rajoyri, betiere modu indibidualean, presiorik gabe eta mediku txostenak oinarri hartuta.

Rajoy presidente izendatu zutenetik, bi agintarien arteko lehen bilera ofiziala izan da hau. Besteak beste, krisi ekonomikoa eta enpleguan duen eragina, administrazio publikoko aurrekontuen egonkortasuna, elkarbizitza demokratikoa, ETAren indarkeriaren amaieraren ostean sortutako egoera eta behin betiko desagerpena lortzeko bi Gobernuen arteko elkarlanaz hitz egin dute.

Asteartean, Espainiako Gobernuko eta Jaurlaritzako Segurtasun arduradun nagusiek batzarra egin zuten Leioako (Bizkaia) Artatza jauregian. Besteak beste, Jorge Fernandez Barne ministroa eta Rodolfo Ares Herrizaingo sailburua izan ziren.

Hurrengo asteartean, hilak 31, Rajoyk Iñigo Urkullu EAJko presidentea hartuko du Moncloan.

Patxi



Informazio gehiago:Eitb: ETAko presoak hurbiltzea eskatu dio lehendakariak Mariano Rajoyri

80 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin