Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

ETAk ukatu egin du lehendakaria hil nahi izan zuela


2011-04-18 08:35

Erakunde terroristak gogorarazi du iazko otsailean eraso ekintza armatuak etetea erabaki zuela, eta Gobernuak bazekiela.

ETAk ukatu egin du Otazua taldeak Patxi Lopez lehendakaria eta Rodolfo Ares Herrizaingo sailburua hiltzeko asmoa zuela.

Otazua taldea martxoan desegin zuten. Orduan, Guardia Zibilak Daniel Pastor, Iñigo Zapirain, Beatriz Etxebarria eta Lorena Lopez atxilotu zituen.

Handik eta egun batzuetara, hedabideek talde horren ustezko asmoen berri eman zuten eta, besteak beste, iazko ekainaren 19an, Eduardo Puelles zenaren aldeko omenaldian, lehendakaria eta Herrizaingo sailburua hiltzeko atentatua egin nahi zuela publikatu zuten.

Albiste horren arabera, baina, azkenean ezin izan zuten atentatua gauzatu, ez zutelako jaso arma.

Hori horrela, ETAk gogorarazi du iazko otsailean eraso ekintza armatuak etetea erabaki zuela, eta Espainiako Gobernuak jakin bazekiela.

Erakunde terroristak Zutabe aldizkariko azken alean adierazi duenez, informazio horren helburua ezker abertzaleak maiatzeko hauteskundeetan parte hartzea galaraztea da, Gara egunkariak gaur zabaldu duenez.



Informazio gehiago:Eitb: ETAk ukatu egin du lehendakaria hil nahi izan zuela

222 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin