Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Estatuko indarkeriaren biktimen familiek batzeko deia egin dute


2011-11-26 15:38

Gatazkaren ondorioz sufrimentu asko dagoela onartu dute Estatuko indarkeriaren biktimen senitartekoek; ez dugu indarkeria armatuak eragin duen mina ukatzen, ez gara bihozgabeak.

Estatuko indarkeriaren biktimen senitartekoek batzeko deia egin dute alde bateko eta kontakizun bakarra ezartzea ekiditeko. Zentzu horretan, ez dute ETAko biktimen elkarteekin kontaktua mantentzea baztertzen, ez dugu indarkeria armatuak eragin duen mina ukatzen, ez gara bihozgabeak.

Torturengatik erahilak edo Espainiako eta Frantziako indarkeria parapoliziaren biktima izan diren senitartekoak bildu dira Bilbon, hogei lagun inguru, besteak beste Santi Brouard, Alfonso Isasi, Joxean Lasa edo Jose Miguel Beñaranen sendiak.

Oraingoz ez dute inor ordezkatzen, adierazi dute, eta ez dute inongo elkarterik sortu, baina beste senitartekoei batzeko deia luzatu diete. Batzen hasiko gara, jendearekin hitz egiten eta ikusiko dugu zein pauso eman, esan dute Karmen Galdeanok eta Idoia Muruagak, GALek hildako Javier Galdeanoren senitartekoak, baita Igor Angulo, espetxean bere buruaz beste egin zuen ETAko kidearen senitartekoak  ere.

Azken urteetan ehunka lagun hil dira eta milaka lagunek pairatu dute tortura eta errepresioa, salatu dute. Estatuak ete bere legediak errealitate hau ezkutatu nahi dute, izenak, argazkiak eta era horretan, oroitzapena. Baina gure familia ziren eta euren izenak duintasunez aldarrikatzeko gaude hemen, adierazi dute.

Familiek gatazkaren ondorioz sufrimentu asko dagoela onartu dute. Horregatik, borroka armatuak eragin duen mina ez dugu ukatuko, esan dute; ez gara bihotzgabeak.Distantziaz gain eta gure historiaren eta gertakarien bertsioa oso ezberdina den arren, maite dugun norbait galtzeak eragiten duen sentimentua ulertzen dugu, esan du Muruagak.

Bere ustez, benetako elkarbizitzarako bestearen, ezberdinaren, aurkakoaren ere aitorpena behar da, horregatik ikuspegi guztiak onartu behar direla esan dute.

Ez da bidezkoa ETAri egindako mina onartzeko eskatzea eta aldi berean estatuaren indarkeriagatik eragindako ondorio latzak ukatzea.





Informazio gehiago:Eitb: Estatuko indarkeriaren biktimen familiek batzeko deia egin dute

70 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin