Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Espetxe-zigorra, Tuentin segurtasun indarrak iraintzeagatik


2012-01-18 18:55

Urte bateko kartzela-zigorra ezarri diote Gijoneko gazte bati, Tuentin Estatuko Segurtasun Indarren eta Ertzaintzaren aurkako komentario iraingarri eta basatiak egiteagatik.

Auzitegi Nazionalak urte bateko espetxe-zigorra ezarri dio Gijoneko gazte bati, Tuenti sare sozialean Estatuko Segurtasun Indarren eta Ertzaintzaren aurkako komentario iraingarriak eta basatiak egiteagatik.

Penaleko Salaren lehen sekzioak kaleratutako epaiak terrorismoa goratzea leporatzen dio akusatuari, eta uste du egindako komentarioak biktimentzat iraingarriak direla.

Epaileen ustez, ez dago zalantzarik beste erabiltzaile batek sare sozialean jarritako argazkiei akusatuak egin zizkion komentarioetan bi guardi zibilen hilketa goraipatzen dela (zehazki, 2009ko uztailean Mallorcan hildako bi guardia zibilak). Hiru ertzain eta sua ageri ziren argazki bati pena da eurak ere su hartu ez izana komentarioa egin ziola frogatutzat jotzen du epaiak. Era berean, beste komentario batzuk ere leporatzen dizkiote gazteari, tartean denak Mallorcako pikoloak bezala bukatuko ahal dute. Puxa Euskal Herria Libre y Socialista. Aurrera borroka eta Kartzelara? Hobe eztanda eragitea, Mallorcako pikoloak bezala.

Hitz horiek idatzi izana ukatu zuen gazteak epaiketan, baina epaileek frogatutzat jo dute berak egindakoak direla, Telefonica enpresak emandako datuak, gaztearen ordenagailuan egindako azterketak agerian utzitako datuak eta Tuentiko bere kontuko datuak oinarri hartuta.



Informazio gehiago:Eitb: Espetxe-zigorra, Tuentin segurtasun indarrak iraintzeagatik

39 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin