Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Espainiari zigorra jarri diote tortura kasu bat ez ikertzeagatik


2011-03-08 12:54

Estatuak 23.000 euro eman beharko dizkio Aritz Beristaini, salatu zituen tratu txarrak ez aztertzeagatik. Gazte hernaniarra 2002an atxilotu zuten kale indarkeria leporatuta.

Europar Batasuneko Giza Eskubideen auzitegiak Espainia zigortu du Aritz Beristain Ukarrek salatutako tratu txarrak ez ikertzeagatik. Beristain 2002 han atzeman zuten kale indarkeriarekin lotura zuelakoan.

Ebazpenean azaldu dutenez, Espainiak Europako Giza Eskubideen Hitzarmenaren hirugarren artikulua (torturaren debekua) urratu zuen eta ikerketa sakon eta zehatzik ez zuten egin.

Dena dela, Auzitegiak azpimarratu du ez zela artikulu horren urraketarik izan ikuspuntu materialetik begiratuta, hau da, ez zela frogatu tratu txarrak egon zirela.

Auzitegiak argudio berberak erabili ditu eta zigor bera jarri du Mikel San Argimiro ETAko presoak jarritako salaketan.

Beristainek salatu zuenez, atxilotu zutenean kolpeak jaso zituen buruan, itotzeko saiakerak egin zizkioten buruan poltsa bat jarrita, umiliatu egin zuten eta mehatxuak egin zizkioten.

Didier Rouget eta Aiert Larrarte Aldasoro abokatuek aurkeztutako salaketan ere tortura kasua ez zutela ikertu agertzen da.

Bost egunez inkomunikatuta egon zenean, Beristaini auzitegi-mediku batek egin zizkion azterketak bost aldiz.



Informazio gehiago:Eitb: Espainiari zigorra jarri diote tortura kasu bat ez ikertzeagatik

127 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin