Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Espainia berriz ere Europako langabezia tasaren zerrenda buruan


2011-08-31 12:57

Espainiako langabezia indizea bi hamarren igo da uztailean eta %21,2ra iritsi da. Gazteen arteko langabezia ere Europako altuena da Espainian, %46,2koa (ekainean baino bost hamarren gehiago).

Espainiako langabezia %21,2ra iritsi da uztailean bi hamarren igo eta gero Eurostatek gaur argitaratu dituen datuen arabera.

Datu hauek ez dute aldaketarik izan Europar Batasunean eta %9,5ean jarraitzen dute hilero Eurostatek berritzen dituen datuen arabera. Eurogunean ere aldaketarik gabe, %10ean.

2010eko uztailean langabezia tasa %9,7koa izan zen Europan eta %10,2koa Eurogunean. Espainian berriz, %20,3koa.

Pasa den uztailean Europar Batasunean 22,7 milioi langabe zeuden. Horietatik 15,7 milioi Euroguneari zegozkion, azken hilabetean baino 18.000 lagun gehiago Europar Batasunean eta 61.000 gehiago moneta bakarra dute herrialdeen artean.

Azken hamabi hilabeteetan, Batasunean 451.000 langabe gutxiago daude, eta 247.000 gutxiago Eurogunean.

Espainiaren atzetik, langabeziaren tasa handiena Letonian (%16,2) eta Lituanian (%15,5) dago. Hala ere datu hauek urtearen lehen eta bigarren hiruhilekoei dagozkie hurrenez hurren.

Austriak du herrialde estatu kideen artean langabezia gutxien, %3,7. Jarraian Holanda (%4,3) eta Luxenburgo dira (%4,6).

Alemanian, Batasuneko ekonomiarik garrantzitsuenean, langabezia berdin mantendu da %6,1ean. Frantzian berriz, hamarren bat igo da eta %9,9an dago.

2010eko uztailarekin alderatuta, langabezia jaitsi egin da Batasuneko taldekideen 16 herrialdeetan, eta 11etan berriz igo egin da.

Urte arteko jaitsiera adierazgarrienen artean, Estonia aipatu behar da (%17,9tik %12,8ra 2010 eta 2011eko bigarren hiruhilekoen artean). Letonian %19,9tik %16,2ra jaitsi da 2010 eta 2011ko lehen hiruhilekoen artean, eta Lituanian %18,2tik %15,6ra 2010 eta 2011ko bigarren hiruhilekoen artean.

Igoera esanguratsuenetan Grezia aipatu behar da (%11tik %15era igo da 2010 eta 2011ko lehen hiruhilekotan), baita Bulgaria (%10tik %11,5era) eta Eslovenia ere (%7,2tik %8,4)ra.

Bestalde, Eurogunenan, gizonezkoen langabeziak lau hamarren egin du behera urtez urteko datuen arabera eta %9,6raino. Europar Batasunean berriz, hiru hamarren jaitsi da %9,3raino. Emakumezkoen langabezia berdin mantendu da %10,4ean Eurogunean eta %9,7an Batasunean.

25 urtetik beherakoen artean langabezia berdin mantendu da aurreko hilarekin alderatuta eurokideen artean, %20,5ean. Europar Batasunean hamarren bat jaitsi da eta %20,7an dago uneotan. 2010ean gazteen arteko langabezia %20,9an zegoen bi zonatan. Espainiak, %46,2ko tasarekin du berriz ere indize altuena (uztailean baino bost hamarren gehiago). Jarraian Grezia (%38,5 urteko lehen hiruhilekoan), Eslovakia (%32,9) eta Lituania (%33,1 2011ko bigarren hiruhilekoan). Tasarik txikienak Holandan (%7,5), Austrian (%7,8) eta Alemanian (%9,5) dituzte.

Pasa den uztailean langabezia tasa Estatu Batuetan hamarren bat jaitsi zen %9,1eraino. Japoniakoa berriz igo egin zen eta %4,6an dago ekaineko datuen arabera.




Informazio gehiago:Eitb: Espainia berriz ere Europako langabezia tasaren zerrenda buruan

40 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin