Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Eskumarako joera ikusten du Celaák PPren hezkuntza erreforman


2012-01-31 20:42

Inprobisazioa egotzi die Jose Ignacio Wert ministroak aurkeztutako neurriei, eta eskumari lotutako Espainiako sektore ideologizatuenetara jotzen dutela esan du.

Isabel Celaá Eusko Jaurlaritzako Hezkuntza Sailburuak inprobisazioa egotzi die Jose Ignacio Wert ministroak astearte honetan Kongresuan aurkeztutako hezkuntza aldaketei. Celaáren hitzetan, eskumari lotutako Espainiako sektore ideologizatuenetara jotzen dute neurri berriek.

Wertek iragarri duenez, Bigarren Hezkuntzak, Batxilergoak eta Erdi Mailako Lanbide Heziketak hiru urteko iraupena izango dute aurrerantzean. Gainera, Herritartasunerako Hezkuntza ordezkatuko duen irakasgai berria ere jarriko dute abian, gizalegezkotasuna eta Konstituzioa jorratuko dituena.

Aldaketa hauek hezkuntza sistemaren arkitektura goitik behera irekitzen dutela esan du Celaák ohar batean. Denboran eta eraginkortasunean atzerantz bultzatzen gaituzte neurri berriek, gaineratu du.

DBHren laugarren maila bertan behera utzita, enbor nagusia galtzen dela esan du sailburuak. Celaák gogoratu du enbor horren helburua Batxilergoa egingo duten ikasleei ikasketa praktikoagoa eskaintzea dela, eta Lanbide Heziketa aukeratuko dutenei, berriz, maila teorikoko edukiak ematea.



Eskumarako



Informazio gehiago:Eitb: Eskumarako joera ikusten du Celaák PPren hezkuntza erreforman

60 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin