Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Eskoziako erreferenduma 2014ko urriaren 18an izan liteke


2012-02-27 12:05

Rupert Murdoch enpresaburuaren igandetako aldizkari berriak data hori aipatzen du Eskoziaren independentziari buruzko erreferenduma egiteko.

The Sun igandetako aldizkari berriaren Eskoziako edizioak argitaratu duen albiste batean azaldu dutenez, Eskoziaren independentziari buruzko erreferenduma 2014ko urriaren 18an izan liteke.

Patuaren eguna izenburupean, Rupert Murdoch komunikazio alorreko enpresaburu handiaren aldizkariak Gobernuko iturriak aipatzen ditu data horren berri emateko.

The Sun on Sunday aldizkariaren lehenengo alea atzo argitaratu zen Britainia Handian eta News of The world ordezkatzera dator, uztailean legez kanpoko entzuketen eskandaluagatik itxi ondoren.

Lehenengo ale horretan, Eskoziako bertsioak Alex Salmond lehen ministro eskoziarra gehien kezkatzen duen gaia jorratu dute. Eskoziako Gobernuaren bozeramaileetako batek atzo BBCn baieztatu zuen data hori aukera bat dela, noski, baina ez zuen xehetasun gehiago eman.

Eskoziako lehen ministroak urtarrilaren 15ean iragarri zuen 2014ko udazkenean Eskoziaren independentziari buruzko erreferenduma deitzeko asmoa zuela.

David Cameron Britainia Handiko lehen ministro kontserbadoreak, bere aldetik, erreferenduma 2013an egitea proposatu zuen; bestela, Eskoziako ekonomiaren gainean kezka sortuko litzatekeelakoan.

Aurreko astean, Murdochek Twitter bidez zabaldu zuen mezu batean Eskoziaren independentziaren aldeko jarrera iradoki zuen: Utzi Eskoziari joaten eta lehiatzen. Denak izan beharko lirateke garaile.

Alex



Informazio gehiago:Eitb: Eskoziako erreferenduma 2014ko urriaren 18an izan liteke

52 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin