Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Eskerrik asko Gaztearen Maketa Lehiaketan parte hartu duzuen guztioi!


2011-03-08 10:59

Ia 500 kantu jaso ditugu. Datozen egunotan epaimahaiak aukeraketa egin eta hamar finalistak aukeratuko ditu. Bitartean, hemen entzun ditzakezue aurtengo edizioan aurkeztu dituzten kantuetako batzuk.

Bukatu da Gaztearen XX. Maketa Lehiaketara kantuak bidaltzeko epea. Ia 500 kantu jaso ditugu aurtengo edizioan eta Gazteak eskerrak eman nahi dizue parte hartu duzuen guztioi.

Esan bezala, datozen egunotan epaimahaiak hamar finalistak aukeratuko ditu eta hamar talde hauek martxoaren 18an Mungiako Olalde aretoan airtuko dira beraien kantuak defendatzen. Bien bitartean, Gaztearen webguneanaurtengo Maketa Lehiaketan parte hartu duten taldeetako batzuen bideoak ikusi ahal izango dituzue (zuen bideoa bertan agertzen ez bada lasai hartu, bideoan atalean azaldu ez arren, epaimahaiak den-denak entzungo ditu eta).

Sariak

Aurreko urteetan bezala, aurten ere bi sari daude jokoan: Epaimahaiaren saria eta Entzuleen saria.

Epaimahaiaren Saria jasotzen duen talde edo bakarlariak 6.000 euro eta Gazteak hautatutako eskoiztetxe batekin bideoklip bat grabatzeaz gain, Bilbao BBK Live musika jaialdi entzutetsuan jokotzeko aukera izango du.

Bestalde, Entzuleen Saria lortzeko lehian, epaimahaiak 10 maketa onenak aukeratuko ditu. Hala, Gaztea atarian sartuta, edonork izango du abesti gogokoenari botoa emateko aukera. 2.000 euro irabaziko ditu boto gehien izango dituenak.

Gainera, irabazleek Gaztea Live saioan zuzenean joko dute!

Euskal Herriko musikaren munduan oihartzun handia izaten du Maketa Lehiaketak, eta bertan parte hartu duten talde asko ezagun bihurtu dira. Halaxe izan da, besteak beste, EH Sukarra, Sorotan Bele, Zea Mays, Kerobia, Kauta, Zain, PiLT, Delorean, Split 77 eta Berri Txarrak taldeen kasuan.

Ez galdu aukera hau, animatu eta bidali zure maketa!

src=http://www.eitb.com/multimedia/images/2010/02/11/241685/241685_MAKETA_2010_copy_detalle_1.jpg/



Informazio gehiago:Eitb: Eskerrik asko Gaztearen Maketa Lehiaketan parte hartu duzuen guztioi!

202 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin