Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Ertzaintzak manifestarien aurka egingo du, presoen argazkiak badaude


2012-01-04 12:29

Grande-Marlaska epaileak Bilboko manifestazioa egiteko baimena eman zuen, bi baldintza jarrita: ETAko presoen argazkiak ez erakustea eta preso politiko kontzeptua ez erabiltzea.

Eusko Jaurlaritzaren Herrizaingo Sailak ohartarazi duenez, urtarrilaren 7an kartzela-politikaren aurka Bilbon egingo den manifestazioan presoen argazkiak erakusten badira edo haien aldeko leloak oihukatzen badira, Ertzaintzak manifestarien aurka egingo du.

Herrizaingo Sailak azpimarratu du Auzitegi Nazionalaren agindua daukala martxaren aurka egiteko, manifestazio egiteko ezarri diren baldintzak betetzen ez badira.

Fernando Grande-Marlaska epaileak abenduaren 30an eman zuen Bilboko manifestazioa egiteko baimena, baina bi baldintza ezarri zituen: batetik, ETAko presoen argazkirik ez erakustea eta, bestetik, preso politiko kontzeptua ez erabiltzea.

Herrizaingo Sailak honen guztiaren berri eman die mobilizazioaren deitzaileei eta manifestazioari atxikimendua eman dieten eragileei, eta Auzitegi Nazionalaren baldintzak betetzeko neurriak hartzeko eskaera luzatu die.

Ertzaintzak prest dauka dagoeneko larunbateko martxa kontrolatzeko plana.




Informazio gehiago:Eitb: Ertzaintzak manifestarien aurka egingo du, presoen argazkiak badaude

70 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin