Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Ertzaintza bi ikerketa ildo aztertzen ari da krimenaren inguruan


2011-03-18 13:51

Printzipioz, baztertu egin dute indarkeria matxista kasu bat izan dela, eta hilketaren arrazoia lapurreta izan ote den ari dira ikertzen.

 Argitzeke dago oraindik Amaia Azkueren krimena, Azpeitiko Ibai-eder urtegian hilik agertu zen emakumearen kasua.

Ikerketako iturriek EITBri jakinarazi diotenez, Ertzaintza bi ikerketa ildo ari da aztertzen, horietako bat lapurreta izango litzateke. Oraingoz, ikertzaileek baztertu egin dute indarkeria matxista kasu bat izan dela. Dena dela, aipatu iturriek baieztatu dute emakumeak hankak eta eskuak lotuta zituela aurkitu zutenean.

Amaia Azkueren autoa, Renault Megane gris berri bat, ez dute oraindik aurkitu, beraz, Ertzaintza ibilgailua bilatzeko lanetan ari da aztarnak aurkitzeko asmoz.

Gainera, Ibai-eder urtegi inguruan agertu zen pistola bat aztertzen ari dira krimena egiteko erabili ote zuten jakiteko.

Ertzaintzak uste du ustezko hiltzaile edo hiltzaileek ongi ezagutzen zutela ingurua.



Informazio gehiago:Eitb: Ertzaintza bi ikerketa ildo aztertzen ari da krimenaren inguruan

98 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin