Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Errusiako izozteak arratsaldean iritsiko dira Euskadira


2012-02-01 07:35

Errusiatik datorren antizikloiak izotza eta muturreko tenperatura baxuak ekarriko ditu. Okerrena, baina, bihar hasiko da.

Euskalmeten arabera, asteazkenean eguraldiak txarrera egingo du. Goizean zerua oso hodeitsu egongo da eta euria barra-barra egingo du, iparraldean batez ere. Egunaren lehenengo partean elur-kota 1.000 metrotik gora egongo da oraindik.

Arratsaldetik aurrera tenperaturak nabarmen egingo du behera, haizea iparraldera aldatuz doan heinean. Elur-kota ere oso bizkor jaitsiko da, eta egunaren amaieran 0-100 metrora kokatuko da. Dena den, egunaren bigarren partean atertzeko joera izango du eguraldiak.

Muturreko tenperatura baxuei dagokion abisu horia ezarri da, izan ere tenperatura maximoa kostaldean ez da 3°tik pasako eta kantauri zonako barnealdean maximoa 2°koan izango dira. Minimoak, ordea, -3-4°koak izango dira.

Ostegunetik aurrera, hotz handia izango da protagonista eta izotza eta elurra izango dugu. Elur-kota itsas mailara jaitsiko da. Errusian kokatutako 1.060 milibarko antizikloi indartsu baten eraginez emango da egoera hau. Europako eguraldia baldintzatuko du antizikloiak, aire oso hotza sartuz kontinenteko zati handi batean eta denboraleen mugimendu ohikoa blokeatuz.

60 pertsona baino gehiago hil dira Europan, hotz denboralea dela-eta

Europa ekialdean bizi duten hotz denboraleak 60 hildako utzi ditu. Ukranian -33° izan dituzte, azken sei urteotako tenperaturarik baxuenak. Gutxienez 30 lagun hil dira bertan, gehienak etxebizitzarik gabeko pertsonak. 500 lagun, gainera, ospitaleetara eraman behar izan dituzte. Bosnian -31° izan dira, eta Polonian, Errumanian eta Bulgarian ere zero azpitik 30 gradu baino gutxiago izan dituzte.

Hotza



Informazio gehiago:Eitb: Errusiako izozteak arratsaldean iritsiko dira Euskadira

45 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin