Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Errusiak eta Txinak betoa jarri diote Siriaren kontrako ebazpenari


2011-10-05 09:32

Udaberri arabiarra, askatasunaren eta demokraziaren aldeko mugimendua, errefusatzen dute beto horiek, Frantziako enbaxadoreak NBEren bileraren ondoren azaldu duenez.

Nazio Batuen Erakundeko Segurtasun Kontseiluak atzera bota du Siriaren kontra Europar Batasuneko lau herrialdek aurkeztutako ebazpena Errusiak eta Txinak betoa jarri diotelako. Siriako Gobernuak manifestarien kontra egin duen errepresioa salatzeko ebazpena zen.

Azken orduko negoziazio batzuen ondoren, Frantziak, Britainia Handiak, Alemaniak eta Portugalek ezin izan dute Bachar al Asad presidente siriarraren erregimena gaitzesteko betoa saihestu.

Europar Batasuneko lau herrialde horiek adostutako ebazpenak aldeko bederatzi boto, lau abstentzio eta Errusiaren eta Txinaren betoa jaso du. Segurtasun Kontseiluko kide iraunkorrak dira biak eta, beraz, betorako eskubidea dute.

Hegoafrika, India, Brasil eta Libano abstenitu egin ziren. Orain arte, Errusiarekin eta Txinarekin batera agertu izan dira Europar Batasunak Siriari zigorrak jartzea galarazteko.

Udaberri arabiarra, askatasunaren eta demokraziaren aldeko mugimendua, errefusatzen dute beto horiek, Gerard Araud Frantziako enbaxadoreak NBEren bileraren ondoren azaldu duenez.

Europako herrialdeek testu bat onartu zuten nazioarteak Siria egiten ari den errepresioa gogor gaitzesteko, baina bertan ez zuten Bachar al Asaden erregimenaren kontrako berehalako zigorrik aurreikusi.

Hasiera batean, zigor mehatxuak zeuden Siriaren kontrako ebazpenean, baina Errusia eta Txina horren kontra agertu zirenez, testua aldatu zuten bi horiek gerturatzeko asmoz.

Txina



Informazio gehiago:Eitb: Errusiak eta Txinak betoa jarri diote Siriaren kontrako ebazpenari

52 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin