Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Erretzaileek nikotinaren aurkako txertoa izango dute 2012 amaieran


2011-04-08 14:24

Gainera, 300 lagunekin ikerketa bat egiten ari dira kokainaren menpekotasunarentzat ere txertoa lortzeko; dena dela, ikerketa oraindik ez dago tabakoarena bezain aurreratuta.2012 amaieratik aurrera erretzaileak nikotinaren aurkako txertoa izango dute. Tratamendu horrek tabakismoaren amaiera ekar lezake; tabakismoa da hain zuzen ere, munduan, ekidin daitezkeen gaixotasunen artean, kasu gehien sortzen duena.

Lehenengo pausoa Estatu Batuetan egin dituzten bi entseguen emaitzak aurkeztea izango da; horietan 2.000 lagunek hartu dute parte eta oso datu itxaropentsuak eman omen dituzte.

Horrela iragarri du gaur Estatu Batuetako Droga Abusuen Institutu Nazionaleko zuzendari klinikoak, Ivan Montoyak, Sociodrogalcohol izeneko jardunaldi batzuetan.

Datu argiak ditugu nikotinaren aurkako txertoak jendeari erretzeari uzten laguntzen diola esateko, tratamendu terapeutikoa baita, ez prebentiboa esan du.

Medikuak gaineratu du gizakiekin egindako esperimentuak positiboak badira, nikotinaren aurkako inmunizazioa Food and Drug Administration-ek hemendik gutxira onartuko duela.

Txertoaren funtzionamendua
Julio Bobes Sociodrogalcoholeko presidenteak esan duenez, tratamenduaren funtsa honakoa da: Birus edo bateria bat injektatzen da menpekotasuna sortzen duten sustantzien molekula batzuekin batera; horrela antigorputzak sortzea lortzen da eta horiek droga odolean bahitzea lortzen dute.

Modu horretan molekula handiegiak sortzen dira eta ezin dute muga zefalorrakideoa zeharkatu; hori dela eta, organismoak ez du sentitzen menpekotasunak ematen duen plazer efekturik, ezta beraz, horren ondorio negatiborik ere.

Datu horiek eskuetan, Estatu Batuetako Droga Abusuen Institutu Nazionaleko zuzendariak esan du txertoa jaso ondoren erretzean ez dela plazerrik sentitzen baina berdin-berdin eduki ahal izango direla biriketako gaitzak, patologia kardiobaskularrak edo onkologikoak.


Kokainaren txertoa
Egun, kokainaren txertoa ere lortzeko hirurehun lagunekin ikerketa bat egiten ari dira lortzeko, baina, ikerketa ez dago tabakoarena bezain aurreratua eta edozein kasutan emaitza positiboak emanez gero lagina gaixo gehiagotara zabalduko da.

Bi tratamenduak terapeutikoak dira, adituek azpimarratu dutenez. Halaber, etorkizunean prebentzio modura nola erabili aztertuko dutela azaldu dute, tabakoaren eta drogen menpekotasuna duten gazte kopurua asko hazi baita.



Informazio gehiago:Eitb: Erretzaileek nikotinaren aurkako txertoa izango dute 2012 amaieran

71 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin