Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Erretiroa hartzeko adina 65 urtean uztea eskatu du Legebiltzarrak


2011-03-10 20:11

Erretiroa hartzeko adina 65 urtean uzteko eskatu dio Eusko Legebiltzarrak Espainiako Gobernuari. PSEk ez du eskaera onartu eta adin horretan geldituko dela esan du, baina ?urte gehiagoz kotizatuz?.

Hiru puntuz osatutako testuak EAJ, Aralar, EA eta EB alderdien babesa jaso du, eta PSE-EEk ez du erretiroa hartzeko adina 65 urtean uztearen aldeko puntua onartu. PP eta UpyD Gizarte Segurantzaren erregimen ekonomikoaren eskuduntza transferitzeko eskaeran abstenitu dira.

Bixen Itxaso PSEko legebiltzarkideak azaldu duenez, ez dute erretiroa hartzeko adina 65 urtean uztearen puntua onartu, Legeak agindutako adinak 65 urtekoa izaten jarraituko duelako, nahiz eta derrigorrezkoa ez izan. PSEk adierazi duenez, erretiroa 65 urterekin hartu ahalko da, baina urte gehiagoz kotizatu beharko da.

Bestalde, autonomia estatutua betetzea eskatzen duen puntua aurrera atera da, UpyD eta PPren abstentzioarekin.

Mikel Arana EBko legebiltzarkideak esan duenez, erreforma honekin Espainiako Gobernuak bide eskuindar neoliberaletik aurkitu nahi du krisiaren irtenbidea, eta proposamena kritikatu du.

EAJren aldetik, Eider Mendozak idatzi osoa babestu du eta Espainiako Gobernuaren politika ekonomikoari emandako babesagatik PPk egindako kritikei erantzun die. Honen aurrean, popularrek Eusko Jaurlaritza babesten dutela eta gizarte politikan egindako murrizketak babestu dituztela adierazi du.

Esther Martinezek PPko bozeramaileak adierazi duenez, krisi ekonomikoetan konfiantza eta egonkortasuna sortzea? da garrantzitsuena. Pentsioen erreforma beharrezkoa izan liteke kohesio sistema moduan.

Joseba



Informazio gehiago:Eitb: Erretiroa hartzeko adina 65 urtean uztea eskatu du Legebiltzarrak

44 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin