Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Errepresioarekin eta atxiloketa politikoekin bukatzeko exijitu dute


2011-03-09 13:43

Hala eskatu diote Espainiako Gobernuari Amnistiaren Aldeko Mugimenduak, Torturaren Aurkako Taldeak, ezker abertzaleak, Alternatibak, EAk, LABek, HIRUk, EHNEk, ESKk eta STEE-EILASek.

Espainiako Gobernuari errepresioarekin bukatzeko eta atxiloketa politikorik ez egiteko exijitu diote gaur Amnistiaren Aldeko Mugimenduak, Torturaren Aurkako Taldeak, ezker abertzaleak, Alternatibak, EAk, LABek, HIRUk, EHNEk, ESKk eta STEE-EILASek.

Eragile guzti hauetako ordezkariek manifestu bat sinatu dute, Espainiako Gobernuari bake eszenatoki batera eta demokraziari begira aurrerapausuak emateko eskatuz.

Talde hauetako ordezkariek eta iragan astean atxilotutako ustezko ETAko kideen familiarrek agerraldia egin dute Bilbon, torturekin behin-betiko bukatzeko exijituz.

Eragileek sinatutako dokumentua Roberto Noval Amnistiaren Aldeko Mugimenduko ordezkariak eta Ane Ituiño Torturaren Aurkako Taldeko bozeramaileak irakurri dute.

Manifestuan aipatzen dutenez, konponbide demokratikoaren alde lanean jarraitu dute, eta bide horretan, atxiloketekin eta torturekin bukatu egin behar dela salatu dute.

Helburu honekin, Euskal Herriko erakundeetara joko dutela adierazi dute, torturekin bukatzeko beharrezko neurriak eskatzeko. Horrez gain, nazioarteko eragileei ere tortura salaketak igorriko dizkiete, tartean Nazioarte Harreman Taldeari.

Horrez gain, datorren astelehenean, hilak 14, egingo dituzten elkarretaratzeak iragarri dituzte. Euskal Autonomia Erkidegoko eta Nafarroako hiriburuetan egingo dituzte, Espainiako Gobernuaren ordezkaritzen aurrean.



Informazio gehiago:Eitb: Errepresioarekin eta atxiloketa politikoekin bukatzeko exijitu dute

64 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin