Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Errege-erreginak Iberdrola dorrearen jabe egin dira


2012-02-21 18:03

Segurtasun neurri zorrotzen artean inauguratu dute Iberdrola dorrea, apaindura handirik gabeko ekitaldian. Espainiako errege-erreginak berandu iritsi dira hitzordura.

Goizetik atzeman dugu gaurkoa ez zela ohiko egun bat. Izan ere, Euskadiko eraikinik garaiena -41 solairu ditu- inauguratu dute gaur. Aurretik dena atondu eta 11:00etarako prest geunden Multimediako lankidea (argazki-galeria egiteko erantzunkuzuna zuen) eta biok prentsa baimena jaso eta ekimenaren berri bertatik bertara emateko.

11:20. Eraikinaren sarreran, Errege Etxeko segurtasun indarrak, batetik - traje apain-apaina eta errege-intsignia gorri eta doia bularrean- eta bi metal-detektagailuk bestetik. Nortasun agiriak erakutsi mesedez, esan digute, gure gainerako objektuak txakur baten zaintzapean utzita. 11:30 dira, kontrola pasatuta, barruan gaude.

#iberdrolara heldu gara, barruan gaudela esanez lehen tweeta bota dugu. Ekitaldia Ipad bidez jarraitzeak mesfidantza, atentzioa, baina batez ere jakin-min asko sortu du. Argazkilariek mehatxuzko keinuak egin dizkiote argazkiak azkarregi eta errazegi ateratzen dituelako, kazetariek haren abantailak txalotu dituzte eta beste askok -politikariek zein segurtasuneko langileek- kuriositatez jarraitu dituzte kazetari friki onen joan-etorriak.

400dik gora lagun gonbidatu dituzte. Politika, enpresa eta oro har euskal gizarteko erakundeetako ordezkari andana bertaratu da. Antonio Basagoiti popularra gustura aritu da Ortuzar jeltzalearekin eta Ares sozialistarekin berbetan. Jose Antonio Ardanza lehendakari ohia, Juan Luis Ibarra EAEko Justizia Auzitegi Nagusiko presidentea eta Carlos Urquijo Espainiako Gobernuaren Euskadiko ordezkaria ere hitzorduan izan dira. Dorrearen handitasun gutxietsi gabe, Bilboko txokorik kuttunena beste bat du Azkuna Bilboko alkateak: San Antoneko Zubia da Bilboko ikurra zalantzarik gabe, esan du.

Bernabe Unda, Idoia Mendia eta Carlos Aguirre sailburuak Jose Antonio Pastorrekin aritu dira solasean. Kanpoan, ostera, bestelakoa zen giroa. Bildu, Aralar eta Ezker Anitza alderdiek talde ekologista eta sindikatuekin bat egin dute errege-erreginen bisitagatik protesta egiteko eta Garoñaren itxiera exijitzeko.

Urrunean, dorrearen sarrera nagusitik gertu, Ignacio Sanchez Galan Iberdrolako presidentea Javier de Andres Arabako ahaldun nagusiarekin ari zen hizketan, Arantza Quiroga Legebiltzarreko presidentearen konpainian. Hurbil zituzten, besteak beste, Patxi Lopez lehendakaria eta Jose Luis Bilbao Bizkaiko ahaldun nagusia. Une horretan, dantzaria eta txistulariak beraien tokian kokatzen ari ziren.

Bat-batean, ?intsignia gizonak? hurbildu zaizkigu. ?Erredaktoreak, pianoaren atzealdera; zuek baduzue argazkilaria?. Ipad erremintarekin argazkiak momentuan bidal daitezkeela ulertu gabe joan da gizona. Pianoa nuen zain une horretan.
Juan Carlos eta Sofia ordu laurden geroago iritsi dira. Vicente del Bosque Espainiako futbol hautatzailea ere ikusi dugu. Kanpoko protesten ahotsak sakon eta indartsu entzutea ahalbideratu duen isilune baten ondoren iritsi dira Juan Carlos eta Sofia. Lehendakariak eta Jose Manuel Soria Industria

Informazio gehiago:Eitb: Errege-erreginak Iberdrola dorrearen jabe egin dira

88 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin