Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Erregaiaren kontsumoa jaitsi egin da, 110km-h-ko muga berriarekin


2011-04-28 19:25

110 kilometro orduko abiadura muga indarrean dela, erregaiaren kontsumoa % 8 jaitsi da martxoan, eta 92,4 milioi euro aurreztu dira.

Miguel Sebastian Industria ministroak esan duenez, Gobernuak autobide eta autobietako gehienezko abiadura 120 kilometro ordukotik 110 kilometro ordukora aldatzeak erregai kontsumoa % 7,9 jaistea eta petrolioaren inportazioan 94,2 milioi euro aurreztea ekarri du martxoan.

Ministroak esan duenez, emaitza deigarri hauek uste zena baino altuagoak dira. Dena dela, abiadura murrizteak ez ezik, erregaiaren prezio altuek ere eragina izan dute kontsumoa jaisteko.

Sebastianek ez du zehaztu Estatuak zergatan zenbat diru biltzeari utzi dion, baina herritarrek erregaitan 200 milioi euro aurreztu dituztela zehaztu du. Industria Ministerioaren arabera, gutxi gorabehera kopuru horren erdia zergei dagokie, baina litekeena da herritarrek diru hori beste produktu batzuk kontsumitzeko erabili izana.

Sebastianek azaldu duenez, neurri hauek ez dira hartu gehiago biltzeko. Garrantzitsuena ez da gutxiago biltzea, prezio igoeraren aurrean petrolio gutxiago inportatzea baizik.

Zigor gutxiago

Sebastianek bi hilabetean behin Gobernuaren aurrezpen neurrien inguruko informazioa emateko konpromisoa hartu du. Horren ildotik, Gobernuak aurreratu zuen bezala, ekaina amaieran abiadura muga berri honekin jarraituko dugun aztertuko dute.

Horrez gain, herritarrak zoriondu ditu, abiadura muga berria errespetatzeagatik. Halaber, errepideetan jarritako zigorrak gutxiagotu egin direla esan du.



Informazio gehiago:Eitb: Erregaiaren kontsumoa jaitsi egin da, 110km-h-ko muga berriarekin

62 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin