Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Erregaiaren % 98 segurua da ingurumenarentzat, Euskadin


2011-08-24 16:04

Eusko Jaurlaritzak Euskadiko 168 gasolindegietako 171 erregai eredu aztertu ditu eta horietatik 3 eredutan bakarrik aurkitu dute irregulartasunen bat.

Euskadiko gasolindegietan saltzen duten erregaiaren % 98 segurua da ingurumena eta garraioentzat, Eusko Jaurlaritzak 2010ean egindako erregaiaren kalitatea neurtzeko analisiaren arabera.

Industria Sailak asteazken honetan prentsa ohar baten bidez jakinarazi ditu ikerketa honen emaitzak eta esan dutenez, 2009ko emaitzak baino hobeak izan dira. Urte horretan, hamaika irregulartasun aurkitu zituzten, 2010ean baino zortzi gehiago.

Eusko Jaurlaritzak, Euskal Autonomia Erkidegoko 236 eredu hartu zituen 168 zerbitzu estaziotatik. Hauetatik 100 Bizkaian, 84 Gipuzkoan eta 52 Araban.

Azkenik 171 eredu aztertu zituzten bereziki mota honetako azterketak lantzen dituzten laborategietan. Hauetan erregaiaren sustantzia maila aztertzen da eta, honen arabera, mota bakoitzeko erregaiaren tarte espezifikoak betetzen dituzten ikusten da.
Hiru eredutan bakarrik aurkitu zuten irregulartasunen bat, hala ere, kasu hauetako parametroak gutxigatik gainditzen zuten ezarritako muga. Horrenbestez ez dio kalterik eragiten leku hauetan erregaia hartzen duten garraioei.

Orokorrean, aztertutako A, B, eta C motako gasolioa, 98 eta 95 gasolina eta biodiesela erregaiek, emaitza positiboak izan zituzten ingurumenari begira. Ibilbailuen motorrei dagokienez ere emaitza onak izan zituen.

Eusko Jaurlaritzak jakinarazi duenez, erregaiaren kalitatea oso garrantzitsua da ingurumenaren ikuspuntutik. Ibilgailuen motorrek sortutako kutsaduran eragiten du honek eta ondorioz airea kutsatzen da.



Informazio gehiago:Eitb: Erregaiaren % 98 segurua da ingurumenarentzat, Euskadin

62 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin