Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Erabaki komunak ez du zertan zuzena izan


2012-01-24 09:31

Lehenengo eztabaidatu beharrekoa da ea Europari dagokion erabaki hori hartzea eta ea Irango programa nuklearra benetan mehatxu bat ote den Europarentzat.

Europar Batasunak behin hartuko erabaki bateratu bat atzerri politikan eta ezin jakin zuzena izan ote den. Europar Batasunari asko kostatzen zaio guztiek bete beharreko erabaki bat adostea, gehienbat ez delako batere erraza 27 kideen artean ados jartzea.

Irani jarritako zigorren inguruan, ordea, zehazki petrolioaren gaineko blokeoan, erabakia aho batez hartu da. Neurri hori hartzeko arrazoi nagusia honakoa izan da: Iranek aurrera jarraitzen duela energia nuklearra garatzeko asmoarekin, eta programa horren helburu nagusia badirudi bonba atomikoak eraikitzea dela.

Baina horren inguruan, lehenengo eta behin, eztabaidatu beharrekoa da ea Europari dagokion erabaki hori hartzea eta ea Irango programa nuklearra benetan mehatxu bat ote den Europarentzat.

Iranek arma nuklearrak izatea ez litzateke ona inorentzat, baina ez dago argi Europar Batasunak gai horretan hainbesterainoko protagonismoa hartu beharko lukeen. Gainera, petrolioaren gaineko blokeo horrek ez du seguraski ezertarako balio izango.

Egia da zigor ekonomikoek azkenean arazoak eragiten dizkietela jasaten duten herrialdeetako biztanleei eta teorian horrek bertako buruzagiekin gustura ez egotea ekar dezakeela, baina praktikan kontrako ondorioa ere izan dezake. Zigor ekonomikoek ez zuten Gadafi buruzagi libiarraren gainbehera ekarri, ezta Sadam Husseinena ere, ez dute galarazi Castrok Kuban edo Kimek Ipar Korean agintean segitzea. Eta orain arte Irani jarritako zigorrek ez dute ayatolak ahultzea lortu.

Jesus



Informazio gehiago:Eitb: Erabaki komunak ez du zertan zuzena izan

60 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin