Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Epaitegi batek CAF enpresa zigortu du langile baten heriotzagatik


2011-05-04 18:00

Hildako langileak soldatzaile lanak egin zituen CAF enpresako produkzio sekzioan; bertan, amiantoa erabiltzen zuten, material isolatzaile gisa, bagoien muntaian.

Euskal Autonomia Erkidegoko Justizia Auzitegi Nagusiak berretsi egin du, amiantoak eragindako heriotza bat dela eta, CAF enpresari Donostiako auzialdiko auzitegi batek ezarritako zigorra. Langileak amiantoarekin lan egin zuen CAF enpresan eta amiantoak eragin zion gaixotasun batek jota hil zen. CAFek helegitea jarri zuen, baina EAEko Justizia Epaitegi Nagusiak zigorra berretsi du.

Justizia Auzitegi Nagusiko Lan Arloko Salak ez du Donostiako auzitegiaren aurka CAF enpresak aurkeztutako errekurtsoa onartu. Donostiako epaitegiak beharrezko segurtasun neurriak ez zituztela hartu ebatzi zuen orduan, eta Auzitegi Nagusiaren epaia apirilaren 19an atera eta gaur zabaldu dute.

Hildako langilearen familiari 104.837 euroko kalte-ordaina ematera zigortu zuen CAF enpresa.

Langilea 2007an hil zen ezkerreko mesotelioma pleural baten eraginez, lanean etengabe amiantoarekin lan egin izanagatik. Auzialdiko auzitegiaren epaiaren arabera, langilearen heriotzak jatorri profesionala zuen.

Hildako langileak soldatzaile lanak egin zituen CAF enpresako produkzio sekzioan; bertan, amiantoa erabiltzen zuten, material isolatzaile gisa, bagoien muntaian.



Informazio gehiago:Eitb: Epaitegi batek CAF enpresa zigortu du langile baten heriotzagatik

94 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin