Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Epaileak Matas eta beste hamar lagun inputatu ditu Urdangarin auzian


2012-01-10 12:07

Epaileak gainera beste 47 lekuko deitu ditu, besteak beste, Gonzalez Pons popularra, Valentziako presidente ohia, Francisco Roig eta Vila-Realeko presidentea.

Jose Castro Palma Arena auziko epaileak Jaume Matas Balearretako presidente ohia inputatu du, baita beste hamar lagun ere Noos auziagatik, Iñaki Urdangarin Palmako dukea ikertzen ari den auzia.

Epaileak Mario Sorribas ere inputatu du, Urdangarinen eta Infanta Cristinaren arteko Aizoon enpresako ahalduna, baita Joan Flaquer, Balearretako Turismo saileko kontseilari ohia ere.

Auzitegira apirila eta maiatza bitartean joan beharko duten lekukoen artean, Gonzalez Pons popularra dago, baita Valentziako presidente ohia, Francisco Roig, Vila-Realeko presidentea eta Jose Miguel Echevarri Illes Balears txirrindulari taldeko zuzendari ohia ere.

Palma Arena auzitik bananduta dago kasu hau. Iñaki Urdangarin ikertzen ari dira, bera presidente izan zen garaian, Noos Institutuan ustez izandako irregulartasunengatik.

Palmako dukeak otsailaren 25ean agertu beharko du epailarean aurrean. Auzi honetan, dagoeneko beste zortzi lagun inputatuta zeuden, beraz, denera 20 lagun dira jada.

Gai honengatik, epaileak maiatzaren 17rako deitu du Matas, izan ere, egunotan Palma auziagatik deklaratzen ari da eta agertu ezean, atxiloketa agindua ezarriko zaiola ohartarazi dio.

Balearretako presidente eta Illesport Fundazioko presidente gisa, Noos institutuak izandako kontratazioen inguruan bere bertsioa emateko deitu dio epaileak Matasi.

Inputatu berriei, txostena igorri duten kontratazio publikoengatik galdetuko zaie.




Jaume



Informazio gehiago:Eitb: Epaileak Matas eta beste hamar lagun inputatu ditu Urdangarin auzian

48 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin