Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Epaileak gaur erabakiko du Ibarren heriotza-zigorra baieztatu ala ez


2011-08-22 09:36

AEBetako epaileak defentsak aurkeztutako helegitea aztertuko du. Pablo Ibar presoaren abokatuak salatu du bere bezeroak ez duela epaiketa justua izan.

AEBetako epaile batek gaur erabakiko du Pablo Ibarren heriotza-zigorra berretsi ala baliogabetu. Euskal jatorriko presoari heriotza-zigorra ezarri zioten 1994ean Floridan hiru pertsona hiltzea leporatuta.

Jeffrey R. Levensonek Benjamin Waxman defentsa abokatuak aurkeztutako helegiteari buruzko erabakiaren berri eman beharko du gaur Fort Lauderdaleko auzitegi batean. Ibarren abokatuak salatu du bere bezeroak ez duela epaiketa justua izan.

Heriotza-zigorra 2000. urtean jarri zioten, 1998an epaiketa baliogabetu ondoren. Ibar heriotzaren korridorean dago ordutik, Raiford kartzelan.

Ibarren abokatuak esan du epaiketan aurkeztu dituzten probak pisuzkoak izan direla, Ibarren zigorra bertan behera uzteko modukoak.

Presoak beti aldarrikatu du bere errugabetasuna, izan ere, ez dago proba fisikorik Casimir Sucharsky taberna bateko jabearen eta Sharon Andersonen eta Marie Rodgersen hiltzailea dela esateko.

Epaileak helegitea onartzen badu, litekeena da Estatuak Floridako edo AEBetako Auzitegi Gorenera jotzea.

Defentsaren helegitea 2009an aditu batek egindako adierazpenean oinarritzen da. Hilketak jaso zituen kameraren irudiak nahasiak direla esan zuen adituak, eta ezin zela erabaki hiltzailea eta Ibar pertsona berbera zirela.

Gainera, krimena gertatu zen lekuan atzemandako hatz-markak eta Ibarrenak ez dira berdinak, ezta ile arrastoak eta DNA frogak ere.



Informazio gehiago:Eitb: Epaileak gaur erabakiko du Ibarren heriotza-zigorra baieztatu ala ez

42 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin