Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Enpresek ez dute aurrerantzean zerbitzua euskaraz eman beharko


2012-02-09 12:30

Jendeari euskaraz zein gaztelaniaz zerbitzua ez emateak zekarren isuna baliogabetu du Legebiltzarrak EAJ, EA, Aralar eta Ezker Anitzaren kontrako botoekin.

Eusko Legebiltzarrak Euskadiko bi hizkuntza ofizialak (euskara eta gaztelania) erabiltzen ez dituzten enpresentzako isunak baliogabetzea onartu du, PSE-EE, PP eta UPyDren aldeko botoekin. EAJk, Aralarrek, EAk eta Ezker Anitza-IUk, aldiz, kontrako botoa eman dute.

Legebiltzarkideek onartutako lege proposamenak Kontsumitzaile eta Erabiltzaileen Estatutua aldatzen du. Estatutu hori Juan Jose Ibarretxe lehendakaria zela onartu zuten pertsona guztiek gaztelaniaz zein euskaraz hitz egiteko zuten eskubidea bermatzeko; bai jendaurreko zerbitzuak bi hizkuntzetan emanda eta bai errotulazioa bi hizkuntzetan eginda.

Legeak 3.000 eta 6.000 euro bitarteko isunak aurreikusten zituen baldintza horiek betetzen ez zituzten enpresentzat. Ondoren onartutako dekretu baten bidez, enpresa zerbitzu hori ematera derrigortuta zeuden enpresen ezaugarriak zehazten zituen.

EAJ, EA eta Aralar, kontra

EAJk, EAk eta Aralarrek gogor kritikatu dute Legebiltzarrak hartutako erabakia. Garbiñe Mendizabal jeltzaleak aurreko Gobernuak hartutako erabakiaren alde egin du, asmoa ez baitzen hizkuntza bat bestearen gainetik jartzea, euskaldunen eskubideak bermatzea baizik.

Aldi berean, hurrengo hauteskunde autonomikoetatik ateratzen den Gobernuak araudia berriro aldatuko duela iragarri du.



Informazio gehiago:Eitb: Enpresek ez dute aurrerantzean zerbitzua euskaraz eman beharko

36 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin