Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Enpresak bazekien Costa Concordia kostara hurbildu ohi genuela


2012-01-22 13:02

Francesco Schettino joan den 13an hondoa jo zuen gurutze-ontziaren kapitainak azaldu duenez, enpresak ontzia kostara hurbiltzea babesten zuen publizitatea egiteko modu bat zelako.

Francesco Schettino joan den hilaren 13an Italiako Giglio uharte parean hondoa jo zuen Costa Concordia gurutze-ontziko komandateak adierazi duenez, ontzi-enpresak bazekien ontziak kostara hurbiltzen zirela bertakoei agurtzeko. Izan ere, Schettinoren hitzetan, horrelako jokaerak enpresak babesten zituen, publizitatea egiteko modu bat zelako.

Epaileak astearte honetan epaileak deklarazioa hartu zionean egin zituen kapitainak adierazpen hauek eta horien edukia jaso dute igande honetan Italiako Corriere della Sera, Il Messaggero eta La Repubblica kazetek.

Schettinok azpimarratu duenez, mundu osoan egiten den maniobra da, are gehiago, Costa Cruceros enpresak kostara hurbiltzeko maniobra hauek antolatzen zituen herrialde desberdineko zaindarien jaiekin bat egiteko.

Ontzia husteko agindua eman arte igarotako tarte luzeari buruz galdetu diote eta Schettinok nabarmendu duenez, larrialdia jakitera eman zuen ontzia ur gainean mantentzeko baldintza minimoak betetzen ez zituela baieztatu zuenean.

Alarma-hotsa eman baino lehen ziur egon behar gara, zer edo zer garrantzitsua denean bakarrik eman behar da abisua, azaldu zuen, ziur nengoenean eta behar-beharrezkoa zela ohartu nintzenean eman nuen ontzia husteko agindua.

Epaitegietan istripuaren nondik norakoak ikertzen ari diren bitartean, erreskate zerbitzuak oraindik ere desagertuta dauden 20 bidaiarien bila ari dira. Momentuz, 12 lagunen gorpuak aurkitu dituzte, azkena atzo bertan, emakume baten hilotza gurutze-ontziaren barnealdean aurkitu zutenean, hain zuzen ere.

Dagoeneko



Informazio gehiago:Eitb: Enpresak bazekien Costa Concordia kostara hurbildu ohi genuela

49 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin