Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Emazte haurduna bultzatu eta eskaileretatik bota du Donostian


2012-01-13 11:41

Bestalde, Ertzaintzak hiru gizon atxilotu ditu Bilbon, Aretxabaletan eta Barakaldon, euren bikotekideei eraso egitea leporatuta. Emakumeen aurkako indarkeriaren biktimentzako telefonoa: 016.

Ostegun honetan, gauez, Ertzaintzako patruila bat Donostiako etxebizitza batera bertaratu da, gizon bat emazteari erasotzen ari zitzaiola esaten zuen abisua jaso baitute. Biktima bera eta auzokoak izan dira 112 telefonora deitu dutenak, gertatzen ari zenaren berri emateko.

Ertzainak eta anbulantzia bat tokira joan dira eta atarian emakumea aurkitu dute. Esan duenez, haurdun dago, eta bikotekideak aurpegian jo eta astindu egin du, eskaileretatik behera botata. Anbulantziak ospitalera eraman du emakumea.

Ustezko erasotzaileak, 33 urtekoa, ihes egin du, baina Ertzaintza harremanetan jarri da harekin eta bere burua errenditu egin du. Iaz ere antzeko jazoera batengatik atxilotu zuten.

Hiru gertaera gehiago

Bestalde, 49 urteko gizon bat atxilotu zuen Ertzaintzak ostegunean, Bilbon, emakumeen aurkako indarkeria egotzita. Biktimaren hitzetan, etxean zegoen, lotan, senarra mozkortuta iritsi eta aurpegian kolpeka hasi zitzaionean. Goizean ustezko erasotzailea topatu eta atxilotu egin zuten. Emakumeak zauriak zituen aurpegian.

Gainera, Aretxabaletako etxebizitza batean Ertzaintzak 34 urteko gizon bat atxilotu du bikotekideari mehatxu egiteagatik. Antza, gizonak aizto batez mehatxatu dio bikotekideari, eta emakumea komunean sartu da, beldurtuta, handik 112ra deitzeko.

Eta Barakaldon, gaur gauean, 37 urteko gizon bat atxilotu dute ertzainek, ustez bikotekide ohiari eraso ostean. Biktima poliziarengana joan da aurpegian markak zituela. Salatu duenez, mutil-lagun ohiak jo eta iletik tira egin dio eztabaidatzen ari zirela. Emakumea osasun-zentroan artatu dute eta Ertzaintzak gizona atxilotu egin du Barakaldon.



Informazio gehiago:Eitb: Emazte haurduna bultzatu eta eskaileretatik bota du Donostian

119 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin