Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Emakume biluzien argazkiak modelo agentzia faltsu baten bidez


2012-01-05 11:27

400 emakume baino gehiagorekin harremanetan jarri ostean, adingabeak barne, atxilotu egin dute. Biktimak Facebooken bidez engainiatu eta lortutako irudiak hedatzearekin mehatxatzen zituen atxilotuak.

Guardia Zibilak gizon bat atxilotu du LHospitalet de Llobregaten, emakume biluzien argazkiak lortzeko modelo agentzia faltsu bat erabiltzea leporatuta, ikerketako iturrien arabera.

Sexu askatasunaren aurkako delitua egotzi diote gizonari, 400 emakume baino gehiagorekin harremanetan jarri ostean, adingabeak barne.

Ikerkuntza biktimetako batek salaketa jarri ondoren hasi zen. Atxilotuak modelo agentzia bi zituela esaten zuen eta profil faltsuak sortzen zituen Facebook sare sozialean, sinesgarritasuna emateko. Emakume gazteekin harremanetan jartzen zen, eta casting batean parte hartzea eta agentziaren argazki-liburuan sartzea eskaintzen zien.

Hori baino lehen, neskek webcam bidezko elkarrizketa bat gainditu behar zuten. Elkarrizketa horretan arropa kentzeko eskatzen zien gizonak agentziaren albumerako egokiak ziren egiaztatzeko, biluzik bukatzen zuten arte.

Biluzik zeuden argazkirik lortzekotan, kamera aurrean lizunkeriak egitera behartzen zituen, eta hala ez egitekotan, lortutako irudiak euren familia eta lagun artean hedatzearekin mehatxatu egiten zituen.

Guardia Zibilak atxilotuaren etxean egindako miaketan profil eta posta elektroniko faltsu ugari erabiltzen zituela aurkitu zuten, eta delitu hori aurrera eramateko trikimailu gehiago erabiltzen zituela susmatzen dute.



Informazio gehiago:Eitb: Emakume biluzien argazkiak modelo agentzia faltsu baten bidez

60 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin