Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Emakume bati azidoa bota zion gizonaren epaia atzeratu dute


2011-05-14 16:25

Tribunalaren erabakiaren arabera, erasotzailea itsu geratu behar zuen, biktimari gertatu bezala. Emakumezkoak uko egin zion gizonak egindako ezkontz proposamenari.

Fars albiste agentziak jakinarazi duenez, Irango agintariek atzeratu egin dute gizon bati emakume bati aurpegira azidoa botatzeagatik jarritako epaia. Gizonari jarritako zigorra itsu geratzea zen, emakumea erasoaren ondorioz geratu zen bezala.

Tribunalak 2008an epaitu zuen Majid Mahavedi. Epaiaren arabera, biktimari egin zion bezala, itsu geratu behar zuen epaituak. Biktimak uko egin zion erasotzailearekin ezkontzeari. Mahavedik bere burua entregatu zuen 2005ean.

Epaia islamiar legearen edo shariaren aplikazio zorrotza da eta larunbat honetan betearazi behar zuten. Iturri ofizial batek jakinarazi duenez, epaia atzeratu egin dute baina ez du xehetasun gehiagorik eman.

Bahramiren aurpegia, eskuak eta lepoa desitxuratuta geratu ziren erasoaren ostean. Biktima Espainiara eraman zuten zaurietatik sendatzeko. Emakumeak esan duenez, ez du erasotzailearen aurkako mendekurik nahi, berak sufritutakoa beste inori ez gertatzea baizik.

Ali Sarrafik Baharamiren abokatuak ISNA agentziari esan dionez, ez dauka epaiaren atzerapenaren informazio ofizialik. Epaia tribunalak eman du eta derrigorrean bete behar da, legeari jarraituz atzeratzen ez bada.



Informazio gehiago:Eitb: Emakume bati azidoa bota zion gizonaren epaia atzeratu dute

76 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin