Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Elurte txikiak kostaldean eta zeroz azpiko lehen tenperaturak


2012-02-02 08:18

Hotzaldia gordindu egingo da gaur, eta haizeak hotz-sentsazioa handiagoa izatea ekarriko du.

Hotz siberiarra geurean daukagu dagoeneko. EAEko eta Nafarroako hainbat tokitan, kostaldean barne, elur txikia egin du, baina egoerak okerrera egingo du gaur.

Orain arte, denboraleak ez du arazo larririk eragin, eta errepide sare nagusia zabalik dago.

Goizeko lehen orduan, termometroak 0 °C inguruan zeuden Bilbon eta Donostian, eta zeroz azpitik Gasteizen eta Iruñean. Orduek aurrera egin ahala hoztu egingo du, eta haizeak hotz-sentsazioa handiagoa izatea ekarriko du.

Herrizaingo Sailak alerta laranja ezarri du Bizkaian eta Gipuzkoan, eta horia Araban.

Gaur, hotz handia izango da protagonista eta izotza eta elurra izango dugu. Elur-kota itsas mailara jaitsiko da. Errusitik heldutako antizikloi indartsu baten eraginez emango da egoera hori.

Oro har, euriak ahulak izango dira eta EAEko ekialdean ia ez du euririk egingo, baina edozein lekutan egin dezake elurra.

Euskadik hotz denboraleari aurre egiteko larrialdi plana abian jarri du, eta gatza, elur makinak eta etxerik gabekoentzako ohe gehiago ezarri ditu.

Herrizaingo Sailak ardura berezia eskatu du gidatzerakoan, eta, horren ildotik, gomendio batzuk eman ditu.

95 pertsona hil dira Europan

Europa ekialdean, 95 pertsona hil dira hotzaldiaren ondorioz. Ukrainan 33° zeropera jaitsi da tenperatura, hots, azken sei urteotako tenperatura baxuenak dituzte. Gutxienez 30 lagun hil dira bertan, gehienak etxegabeak. 500 pertsona, gainera, ospitaletara eraman behar izan dituzte. 

Bosnian -31 °C izan dira, eta Polonian, Errumanian eta Bulgarian -30 °C baino gutxiago.

Hotza



Informazio gehiago:Eitb: Elurte txikiak kostaldean eta zeroz azpiko lehen tenperaturak

155 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin