Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Els Joglars-en azken ikuskizuna dakar EITB Kultura saioak


2011-03-18 11:06

Un mundo casi perfecto, Esteban eta Jose Miguel Ibarretxeren film luzea, ere erakutsiko dute.

Els Joglars antzerki konpainiaren azken ikuskizunaren berri dakar EITB Kulturak aste honetan. Taldearen 50. urtemuga ospatzeko sortu dute 2036. Omega-g izeneko muntaia. Bertan, etorkizunera, 2036. urtera, egiten dute jauzi. Aktoreak eurak dira protagonista, 25 urte gehiagorekin antzerkiaz duten ikuspegia azaltzen dute.

Esteban eta Jose Miguel Ibarretxek ere lan berria duten eskuartean: Un mundo casi perfecto. Komedia, akzioa eta suspenseak bat egiten dute film luze honetan. Ismael protagonista gidoilaria da eta ez du bere bizitzako unerik onena: 20 kilo gizendu da, neska lagunak utzi egin du eta diru arazoak ditu. Javier Ibarretxe ekoizleak emango ditu argibide gehiago.

Musika nobedadeen artean Souvenir talde nafarraren seigarren diskoa nabarmendu dezakegu: Travelogues. Patricia De La Fuentek eta Jaime Cristobalek osatzen duten bikoteak pop estiloko bederatzi kanta bildu ditu, ingelesez eta frantsesez. Elorrioko Sermonds boskotearekin ere egongo dira, Amaiera hasieran dator izenburuko lehen lan luzea ezagutzeko.

Bestalde, EITB Kulturako lagunak Biarritzera joango dira Theatre Des Chimeres konpainiaren egoitzara. Oncle Vania obra ari dira prestatzen.

Azken txanpan, Gasteizko Montehermoson sartu-irtena egingo dute. Kultur guneak, Euskal Herriko Unibertsitatearekin batera, sortzaile berrien txokoa zabaldu du. Amaia Gracia, Ines Bermejo eta Irantzu Lekuek euren artelanak dituzte bertan.

EITB Kultura astelehenetan dago ikusgai ETB-1en 23:15ean, astearteetan ETB-2n 01:10ean eta ostiraletan ETB-3n 22:00etan.

src=http://www.eitb.com/multimedia/images/2009/02/13/66319/66319_LaCena_detalle_1.jpg/



Informazio gehiago:Eitb: Els Joglars-en azken ikuskizuna dakar EITB Kultura saioak

412 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin